ខេត្តបាត់ដំបង ៖ បុរសវ័យជាងពាក់កណ្តាលជីវិតម្នាក់ដែលមានរបរជាគ្រូទាយផង នោះត្រូវបានសមត្ថកិច្ចចាប់ខ្លួនកាលពីល្ងាចថ្ងៃទី១៤ មីនា ២០១២ នៅសង្កាត់អូរចា ក្រុងបាត់ដំបង ដោយជាប់ពាក់ព័ន្ធករណីរំលោភបំពានផ្លូវភេទដែលពេលនេះនារីរងគ្រោះបង្កើតបានកូនប្រុស១ អាយុជាង២ខែយ៉ាងអាថ៌កំបាំង ។
មន្ត្រីនគរបាលព្រហ្មទណ្ឌកម្រិតធ្ងន់បាននិយាយថា កម្លាំងនគរបាលក្រុងបានចាប់ខ្លួនបុរសដែលជាគ្រូទាយឈ្មោះសេង ភូមិន អាយុ៥៦ឆ្នាំ ។ រីឯនារីរងគ្រោះឈ្មោះឆ.គ អាយុ១៧ឆ្នាំ ប៉ុន្តែក្នុងអង្គហេតុ គឺនាងត្រូវបុរសគ្រូទាយលួងលោមរំលោភសេពសន្ថវៈតាំងពីនាងអាយុ១៦ឆ្នាំ ពេលនេះនាងបង្កើតបានកូនប្រុសម្នាក់អាយុជាង២ខែហើយ ។ អ្នកស្រីជូន រ៉ាឌី អាយុ៥៥ឆ្នាំ ជាអតីតភរិយារបស់ជនសង្ស័យ និងជាម្តាយរបស់នារីរងគ្រោះបានប្រាប់សមត្ថកិច្ចថា រូបគាត់ និងឈ្មោះសេង ភូមិន បានលែងលះគ្នាជិត២០ឆ្នាំហើយ ក្រោយមកអ្នកស្រីបានយកប្តីម្នាក់ទៀត និងបង្កើតបានកូនស្រី២នាក់ដែលនាងឆ.គ ជាកូនច្បង ។ គាត់បន្តថា ក្រោយមកប្តីក្រោយបានស្លាប់ ហើយរូបគាត់ចេញទៅរកស៊ីឆ្ងាយក៏បានយកកូនស្រីជាកូនរបស់ប្តីក្រោយទៅផ្ញើអតីតប្តីមុនជាគ្រូទាយឱ្យជួយថែទាំ ។ លុះក្រោយមកស្រាប់តែមានរឿងបែបនេះតែម្តង ។ ពេលកូនស្រីក៏មានផ្ទៃពោះបានប៉ុន្មានខែអ្នកស្រីបានដឹង ហើយពេលសួរនាំកូនស្រីប្រាប់ថា មានគេចាប់នាងរំលោភពេលទៅរៀន។ នាងព្យាយាមលាក់រឿងនេះ ។
អ្នកស្រីរ៉ាឌី បានបញ្ជាក់ថា រឿងនេះបានបែកការណ៍កាលពីប៉ុន្មានថ្ងៃមុន ក្រោយពីកូនស្រីគាត់បង្កើតបានកូនប្រុសរួចនាំនាងទៅលេងសាច់ញាតិនៅក្រុងប៉ោយប៉ែត ហើយត្រូវសាច់ញាតិសួរដេញដោល ទើបនាងនិយាយការពិត ហើយក៏មកប្តឹងសមត្ថកិច្ចឱ្យចាត់ការតាមច្បាប់តែម្តងទៅ ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]