អាមេរិក៖ ក្រុមហ៊ុន Infiniti បានបង្ហាញរថយន្តចុងក្រោយបង្អស់ និងជាគំរូដំបូងរបស់ខ្លួនដែលមានកៅអីមួយ ដ៏ភ្លឺរលើបរលោងឈ្មោះ Concept 10 ដែលបង្កប់នូវគោលគំនិតអំពីរថយន្តប្រណីតដើរដោយអគ្គិសនី ដោយរចនារូបរាងតាមម៉ូតស៊េរីចាស់ នៅក្នុងពិធីពិពណ៌រថយន្តប្រចាំសប្តាហ៍នៅក្រុង ម៉ុងតេរី រដ្ឋកាលីហ្វរញ៉ា កាលពីថ្ងៃសុក្រ។
ដោយយកគំរូតាមឡានល្បឿនលឿនស៊េរីចាស់មួយ រថយន្តពណ៌ប្រាក់នេះមានកន្លែងអង្គុយតូចមួយចំហដំបូល និងបំពាក់ដោយចង្កូតមានម៉ូតដូចឡានប្រណាំង ឈ្នាន់បុកល្បឿន និងហ្វ្រាំង។
ជំនួសឱ្យកៅអីអ្នករួមដំណើរ អ្នកផលិតបានតម្លើងបំពង់ខ្យល់ធំមួយ ដែលអាចឱ្យខ្យល់ចេញចូលតាមគូទរថយន្ត ដើម្បីជួយរក្សាកម្តៅអាគុយ និងម៉ូទ័រឱ្យនៅត្រជាក់ ហើយការឌីហ្សាញប្រើពេលតែ ៤ ខែប៉ុណ្ណោះ ដោយស្នាដៃរបស់ក្រុមរចនាម៉ូតនៅស្ទូឌីយោក្នុងប្រទេសជប៉ុន ចក្រភពអង់គ្លេស និងសហរដ្ឋអាមេរិក។
គួរបញ្ជាក់ថា ចាប់ពីឆ្នាំ ២០២១ ទៅ រាល់រថយន្តថ្មីៗរបស់ Infiniti នឹងដំណើរការដោយអគ្គិសនីសុទ្ធសាធ។ ថ្វីបើវាគ្រាន់តែជាគំរូដំបូង និងទំនងមិនត្រូវផលិតសម្រាប់លក់ ក៏រថយន្ត Concept 10 នេះជាអ្នកបង្ហាញថា ការឌីហ្សាញអ្វីក៏អាចទៅរួច ដែលម្ចាស់ក្រុមហ៊ុនផលិត ចង់ឱ្យម្ចាស់កម្មសិទ្ធិចាប់ផ្តើមពាក់ព័ន្ធជាមួយរថយន្តអគ្គិសនី។
លោក Karim Habib នាយកផ្នែកឌីហ្សាញរបស់ក្រុមហ៊ុន Infiniti និងធ្លាប់ធ្វើការជាមួយ IBM បានលើកឡើងថា “បាទ យើងនឹងប្តូរទៅជាអគ្គិសនី ប៉ុន្តែយើងចង់បានភាពសោមនស្សពីការជិះរថយន្តអគ្គិសនី។ ដូច្នេះ មានអ្វីល្អជាងការយករថយន្តប្រណាំង មកបង្ហាញគំនិតនេះទៀតនោះ?៕
សូមទស្សនាវីដេអូខាងក្រោម៖
តើប្រិយមិត្តយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]