ស្រួលប្លែក! នេះជាអារម្មណ៍បានជិះឡានស្វ័យប្រវត្តិជាលើកដំបូង ខណៈចិនព្យាយាមដើរឱ្យទាន់អាមេរិក (មានវីដេអូ)

ចិន៖ ក្រុមហ៊ុនអភិវឌ្ឍបច្ចេកវិទ្យារថយន្តបើកបរស្វ័យប្រវត្តិ Waymo បានបង្កើតក្រុមហ៊ុនមួយដែលខ្លួនជាម្ចាស់កម្មសិទ្ធិទាំងស្រុងឈ្មោះ Huimo Business Consulting Co កាលពីថ្ងៃទី ២២ ខែឧសភា ក្នុងតំបន់ពាណិជ្ជកម្មសេរីនៃទីក្រុងសៀងហៃ ជាមួយដើមទុនចុះបញ្ជីសរុប ៣.៥ លានយ័ន ឬ ៥០៩,១៦៥ ដុល្លារ។ នេះបើយោងតាមប្រព័ន្ធព័ត៌មានសាធារណៈអំពីសហគ្រាសជាតិ។ 

ក្រុមហ៊ុននេះផ្តោតលើការប្រឹក្សាផ្នែកធុរកិច្ច និងភស្តុភារ ក៏ដូចជាសេវាកម្មទាក់ទងនឹងការឌីហ្សាញ ព្រមទាំងការសាកល្បងគ្រឿងបន្លាស់រថយន្តដែលបើកបរដោយស្វ័យប្រវត្តិផងដែរ។ 

ការបោះទុនរបស់ក្រុមហ៊ុន Waymo បានកើតឡើងស្របពេលដែលប្រទេសចិន ខំប្រឹងជំរុញវិស័យរថយន្តទំនើបៗដែលដំណើរការដោយគ្មានអ្នកបើកបរ ដើម្បីដើរឱ្យទាន់សហរដ្ឋអាមេរិក ក្នុងការប្រកួតប្រជែងអភិវឌ្ឍរថយន្តស្វ័យប្រវត្តិជាសាកល។ 

គួរបញ្ជាក់ថា នៅដើមឆ្នាំនេះ រដ្ឋាភិបាលក្រុងប៉េកាំងបានចេញអាជ្ញាបណ្ណដល់ក្រុមហ៊ុនផលិតរថយន្តជាច្រើន ឱ្យដំណើរការរថយន្តស្វ័យប្រវត្តិសាកល្បងលើផ្លូវថ្នល់ក្នុងក្រុងសៀងហៃ៕

សូមទស្សនាវីដេអូខាងក្រោម៖

តើប្រិយមិត្តយល់យ៉ាងណាដែរ?

• ឡាន