លើកទី១ បេនី យ៉ាំង ហ៊ានបង្ហាញមុខ ខណៈពេលកំពុងវះកាត់បន្ថែម (មានវីដេអូ)

ភ្នំពេញ៖ ជាលើកទី១ហើយ ដែលឃើញតារាសម្តែងកញ្ញាបេនី យុាំង ហ៊ានបង្ហាញមុខមាត់ខណៈកំពុងវះកាត់ថ្មីៗ នៅក្នុងបណ្តាញសង្គមរបស់ខ្លួន ធ្វើឲ្យអ្នកគាំទ្រជាច្រើនមានការភ្ញាក់ផ្អើលមិនស្ទើរនោះទេ។

យ៉ាងណាមិញ ប្រិយមិត្តជាច្រើនប្រាកដជាដឹងហើយថា ដើម្បីបំណងរបស់ខ្លួនចង់បាន តារារូបនេះបានកែសម្ផស្សអស់ជាច្រើនដងទៅហើយ ដោយរាល់ពេលដែលកែម្តងៗគឺឃើញមុខពិតជាប្លែកមែនទែន តែអ្វីដែលកាន់តែសំខាន់នោះគឺ នាងមិនធ្លាប់បង្ហាញមុខមាត់ ខណៈកំពុងវះកាត់នោះទេ។

ជាក់ស្តែង កាលពីពេលថ្មីៗនេះ នាងក៏បានទៅកែសម្ផស្សនៅឯប្រទេសថៃម្តងទៀត ដោយក្នុងនោះនាងបានកែច្រមុះបន្ថែម និងផ្នែកត្របកភ្នែក។ នៅក្នុងនោះនាងក៏បានបង្ហាញវីដេអូ ខណៈពេលដែលកំពុងវះកាត់ ធ្វើឲ្យអ្នកគាំទ្រជាច្រើនសឹងមិនគួរឲ្យជឿនោះទេ។

បន្ថែមនៅក្នុងនោះ តារារូបនេះក៏បានរៀបរាប់ពីការចូលវះកាត់លើកនេះថា៖«ត្របកភ្នែករបស់នាង បានវះកាត់លើកឡើងពាក់កណ្តាល រីឯច្រមុះរបស់នាងវះកាត់លើកនេះ គឺមិនអាចដូចដើម១០០ភាគរយនោះទេ ព្រោះតែនាងបានវះកាត់អស់ច្រើនដងមកហើយ »៕

ចង់ជ្រាបកាន់តែច្បាស់ សូមទស្សនាវីដេអូខាងក្រោមនេះ៖ 

• បេនី យ៉ាំង
• តារាខ្មែរ