រាជធានីភ្នំពេញ ៖ កាលពីថ្ងៃទី១៤ មីនា ក្រុមហ៊ុនពន្លឺអង្គរដឹកអ្នកដំណើរបានជួយឧបត្ថម្ភទឹកក្រូច ទឹកបរិសុទ្ធ ភេសជ្ជៈបាកាស មីកូរ៉េដល់មន្ទីរពេទ្យអន្ដរជាតិហេប្រុន (N.G.O) និងរថយន្ដក្រុងមួយគ្រឿងទៀតសម្រាប់ជូនក្រុមគ្រូពេទ្យធ្វើដំណើរទៅព្យាបាលអ្នកជំងឺនៅក្រុងប៉ោយប៉ែតចំនួន៥ថ្ងៃនាពេលខាងមុខនេះ ។
លោកស្រី ស៊ីម យើរ៉ី ប្រធានក្រុមហ៊ុន ពន្លឺអង្គរ ដឹកអ្នកដំណើរមានប្រសាសន៍ឱ្យដឹងថា កន្លងមកក្រុមហ៊ុនតែងតែជួយឧបត្ថម្ភ ដល់ជនក្រីក្រដែលមានជីវភាពខ្វះខាត ជាក់ស្ដែងលើកនេះក្រុមហ៊ុនបានជួយឧបត្ថម្ភទឹកក្រូចចំនួន៣០កេស, ទឹកបរិសុទ្ធឱរ៉ាល់៣០កេស, ភេសជ្ជៈបាកាស ២កេស និងមីកូរ៉េចំនួនមួយកេសធំដល់មន្ទីរពេទ្យអន្ដរជាតិហេប្រុន សម្រាប់ឧបត្ថម្ភដល់ក្រុមគ្រូពេទ្យដែលធ្វើដំណើរទៅព្យាបាលអ្នកជំងឺដោយមិនយកប្រាក់នៅក្រុងប៉ោយប៉ែតរយៈពេល៥ថ្ងៃចាប់ពីថ្ងៃទី១៥ មីនា រហូតដល់ថ្ងៃទី១៩ មីនា ។
លើសពីនេះទៀតក្រុមហ៊ុនបានជួយឧបត្ថម្ភនូវរថយន្ដក្រុងមួយគ្រឿងទៀតសម្រាប់ជាមធ្យោបាយធ្វើដំណើរជូនក្រុមគ្រូពេទ្យទៅព្យាបាលអ្នកជំងឺនៅក្រុងប៉ោយប៉ែត ដោយឥតគិតថ្លៃទាំងទៅទាំងមកទៀតផង។ ដោយមើលឃើញពីសកម្មភាពរបស់មន្ទីរពេទ្យអន្ដរជាតិហេប្រុន ជាមន្ទីរពេទ្យ ដែលជួយព្យាបាលជំងឺជូនដល់អ្នកក្រីក្រដោយមិនគិតថ្លៃទាំងសេវាការព្យាបាល និងថ្នាំ គឺអត់យកប្រាក់ទាំងអស់។ ទង្វើមនុស្សធម៌ទាំងនេះទើបធ្វើឱ្យក្រុមហ៊ុនមានទំនាក់ទំនងយ៉ាងជិតស្និទ្ធជាមួយមន្ទីរពេទ្យហើយជួយឧបត្ថម្ភជារឿយៗ ដើម្បីរួមចំណែកក្នុងសង្គម ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]