ខេត្តកំពត ៖ យុវជនម្នាក់ត្រូវនគរបាលស្រុកអង្គរជ័យ ឃាត់ខ្លួនកាលពីព្រឹកថ្ងៃទី២៧ ធ្នូ ដោយចោទប្រកាន់ពីបទរំលោភក្មេងស្រីម្នាក់ជាអនីតិជនបានសម្រេចកាលពីរសៀលថ្ងៃទី២៦ ធ្នូ។
លោកលក ញ៉ាវ មន្ត្រីនគរបាលយុត្តិធម៌ខេត្តបាននិយាយថា ជនសង្ស័យដែលរងការចោទប្រកាន់ថា ចាប់រំលោភកុមារីអាយុ១៤ឆ្នាំ នោះឈ្មោះឆយ សុជាតិ អាយុ២១ឆ្នាំ រស់នៅភូមិដើមដូង ឃុំដើមដូង ស្រុកអង្គរជ័យ។ លោកបន្តថា យោងតាមចម្លើយសារភាពរបស់យុវជនសង្ស័យថា ខ្លួនបានរួមរ័កគ្នាជាមួយនឹងកុមារីរងគ្រោះចំនួន៤ដងមកហើយ តែចុងក្រោយនេះនាងបានទូរស័ព្ទឱ្យរូបគេទៅជួបនៅផ្ទះ ក៏បានរួមរ័កគ្នាដូចរាល់ដង ខណៈនោះស្រាប់តែបងស្ត្រីនាងមកទាន់ឃើញសកម្មភាពដ៏អាក្រក់នេះក៏រត់ទៅប្តឹងនគរបាលប៉ុស្តិ៍ឃុំដើមដូង រហូតឈានទៅដល់ការចាប់ខ្លួនតែម្តង។
នារីជាអនីតិជននេះ ត្រូវគ្រូពេទ្យឆ្មបខេត្តពិនិត្យឃើញថា មានផ្ទៃពោះ២ខែទៅហើយ ។ លុះនៅព្រឹកថ្ងៃទី២៩ ធ្នូ នេះ ក្រុមគ្រួសារនារីរងគ្រោះបានទៅដកពាក្យបណ្តឹងវិញទំនងជាសម្រួលគ្នាបញ្ចប់រឿង។ ប៉ុន្តែមន្ត្រីតុលាការបានឱ្យដឹងថា មិនអាចសម្របសម្រួលបានទេ ព្រោះកុមារីរងគ្រោះជាអនីតិជន៕
ដកស្រង់ពីគេហទំព័រកោះសន្តិភាព
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ ខ្មែរស្រលាញ់ខ្មែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
