នេះបានចំ ជាតារាអ្នកមានមែន! សុគា គីមលាង លេងខ្លួនដើរលេងក្រៅប្រទេសម្តងៗ ហាយសូរកប់

ភ្នំពេញ៖ ដូចជាប្រិយមិត្តបានជ្រាបរួចមកហើយ ពីតារាសម្តែងស្រី សុគា គីមលាង ដែលត្រូវគេស្គាល់ខ្លាំង ពេលរូបនាង តែងខ្លួនតំណាងជាទេពធីតាសង្រ្កាន្តឆ្នាំនេះ កាលពីខែមេសា កន្លងទៅ។

បច្ចុប្បន្ន តារាស្រីរូបនេះ មិនសូវចំណាយពេល ក្នុងសង្គមសិល្បៈប៉ុន្មានទេ តែរូបនាង ចូលចិត្ត ចំណាយពេលដើរលេង ក្រៅប្រទេស ជារឿយៗទៅវិញ។ ជាពិសេស រាល់ពេលនាង ដើរលេងតាមបណ្តាស្រុកគេម្តងៗ តែងខ្លួន ឡើងហាយសូរ ជាមួយនឹងឈុតសម្លៀកបំពាក់ អាវវែងៗ មិនចាញ់តារាបរទេស។

ក្នុងនោះដែរ នៅពេលនាងតែងខ្លួនបែបនេះ ក៏បានធ្វើឲ្យ អ្នកគាំទ្រ មានការសរសើរ ថា ពិតជាស្រស់ស្អាត ថ្លៃថ្នូរ ហើយស៊ីជាមួយនឹង បរិយាកាសនៅទីនោះផងដែរ៕

គួរបញ្ជាក់ផងដែរថា កញ្ញា សុគា គីមលាង ជាតារាម្នាក់ ដែលអាចនិយាយបានថា​មានទ្រព្យសម្បត្តិមិនធម្មតានោះទេ​ តាំងពីមុនចូលសិល្បៈមកម្ល៉េះ ហើយជាពិសេស នាងតែងចំណាយលុយ ទៅលើសម្លៀកបំពាក់ថ្លៃៗរបស់នាងជានិច្ច ដើម្បីឲ្យសាកសមនឹង សម្រស់របស់នាង៕

តោះទៅមើលការតែងខ្លួន របស់នាង ពេលដើរលេងក្រៅប្រទេសទាំងអស់គ្នា៖

• សុគា គីមលាង
• តារាខ្មែរ