ខេត្តកណ្តាល ៖ នារីម្នាក់បែកពពុះមាត់ស្កុលត្រូវក្រុមគ្រួសារបញ្ជូនទៅមន្ទីរពេទ្យដើម្បីជួយសង្គ្រោះ បន្ទាប់ពីតូចចិត្ដនឹងវាសនា យកថ្នាំបំពុលកុកលាយជាមួយទឹកផឹកធ្វើអត្ដឃាតកាលពីវេលាម៉ោ៤និង៥០នាទីរសៀល ថ្ងៃទី១៤ មីនា នៅភូមិត្រញំងសំព័រ ឃុំឆក់ឈើនាង ស្រុកអង្គស្នួល ។
នារីគិតខ្លីផឹកថ្នាំបំពុលកុកធ្វើអត្ដឃាតឈ្មោះយ៉ុង ជិនរី អាយុ២៥ឆ្នាំ ទីលំនៅភូមិកើតហេតុខាងលើ ត្រូវក្រុមគ្រួសារឱ្យបង្ហើបឱ្យដឹងថា នាងជាកូនច្បងនៅក្នុងគ្រួសារនាងមានជំងឺហង់សិន តាំងពីតូចមកម៉្លេះ ហើយម្ដាយបានយកទៅព្យាបាលនៅមន្ទីរពេទ្យអង្គការនៅកៀនឃ្លាំងដោយនៅសម្រាកទីនោះរយៈពេល២ខែ ក្រោយមកក៏សុំគ្រូពេទ្យចេញទៅផ្ទះវិញ ដោយគ្រូពេទ្យបើកថ្នាំឱ្យលេបតាមកាលកំណត់។ ដោយសារតែឪពុកម្ដាយរវល់មិនបានមើលថែកូនដិតដល់គ្រាន់តែប្រាប់ឱ្យកូនលេបថ្នាំ កូនមិនបានលេបទេយកថ្នាំបោះចោលអស់ ទើបធ្វើឱ្យជំងឺនោះមិនបានជាសះស្បើយ ។ ប្រភពព័ត៌មានបន្ដទៀតថា រហូតដល់ធំពេញរូបនាងមិនអាចទៅធ្វើការខាងក្រៅនៅតែក្នុងផ្ទះ ចំណែកប្អូនៗទៅធ្វើការរោងចក្របានប្រាក់ខែឱ្យបងស្រីគ្រប់គ្រងទុកដាក់តែមិនឃើញសល់លុយប្អូនបានស្ដីបន្ទោសថា បងចាយវាយខ្ជះខ្ជាយ ធ្វើឱ្យនាងតូចចិត្ដនឹងជីវិត ទើបសម្រេចចិត្ដយកថ្នាំបំពុលកុកដែលឪពុកព្យួរទុកនៅជញ្ជាំងផ្ទះលាយជាមួយទឹកកូរផឹកតែម្តងទៅ។
ក្រោយពេលក្រុមគ្រួសារដឹងថា នាងផឹកថ្នាំបំពុលកុកក៏យកទៅសង្គ្រោះនៅគ្លីនិកឯកជន ប៉ុន្ដែនាងបែកពពុះមាត់ខ្លាងពេកកន្ទ្រាក់ដៃ កន្ទ្រាក់ជើងក៏បញ្ជូនបន្តទៅព្យាបាលនៅមន្ទីរពេទ្យព្រះកុសុមៈ។ ឥឡូវបានធូរស្រាលរួចផុតពីសេចក្ដីស្លាប់ហើយ៕
.jpg)
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
