មានអ្វីជូនពរពួកគេទេ? បើកបង្ហាញតារាខ្មែរវ័យក្មេង ទាំង៣ដួង កំពុងចូលខ្លួន ប្រលងបាក់ឌុប ថ្ងៃនេះ!

ភ្នំពេញ៖ ការប្រលងបាក់ឌុប ចំណេះទូទៅ និងបំពេញវិជ្ជាឆ្នាំ២០១៨ បានប្រព្រឹត្តទៅនៅក្នុងថ្ងៃនេះហើយ ដោយសិស្សទាំងអស់ដែលខំរៀនអស់រយៈពេលជាច្រើនឆ្នាំ ត្រូវបានមកបញ្ចេញសមត្ថភាពយកភាពជោគជ័យ និងបន្តដំណើរទៅមុខ នៅក្នុងរយៈពេលតែពីរថ្ងៃ។

ជាក់ស្តែង អ្នកដែលកំពុងតែចូលប្រលងនៅក្នុងថ្ងៃនេះ បាននាំគ្នាចូលរួមប្រលងពោរពេញទៅដោយភាពជឿជាក់ ខណៈពេលដែលគ្រួសារក៏ដូចជាមិត្ត បាននាំគ្នាផ្តល់កម្លាំងចិត្ត ទៅកាន់ពួកគេ។

ថ្ងៃនេះខ្មែរឡូត ក៏បង្ហាញមុខតារាវ័យក្មេងប៉ុន្មានដួង ដែលកំពុងតែចូលប្រលង និងត្រៀមយកលទ្ធផលល្អៗ នៅក្នុងថ្ងៃនេះ ជាមួយនឹងមនុស្សរាប់ម៉ឺននាក់ ដែលបានចូលរួមប្រលង។

នៅក្នុងនោះដែរ ឃើញថាពួកគេពិតជាខិតខំរៀនសូត្រខ្លាំងតែម្តង នៅពេលដែលជិតដល់ពេលប្រលង ស្របពេលដែលពួកគេមានការងារសិល្បៈច្រើនដែលត្រូវធ្វើផងនោះ។ ដោយក្នុងនោះមានដូចជា៖

១)សុវត្ថិ មុនីនាគ៖ តារាវ័យក្មេងរូបនេះទោះទើបចូលសិល្បៈ តែលោកមានភាពមមាញឹកខ្លាំងមិនចាញ់តារារៀមច្បងដទៃនោះទេ។ នៅក្នុងថ្ងៃនេះដែរ តារារូបនេះកំពុងតែចូលប្រលង នៅក្នុងចំណោមមនុស្សរាប់ម៉ឺននាក់ នៅក្នុងប្រទេស ស្របពេលជាមួយគ្នានេះ ក៏មានបណ្តាអ្នកគាំទ្រជាច្រើន តាមផ្តល់កម្លាំងចិត្ត និងជូនពរដល់រូបលោកគ្រប់គ្នាតែម្តង។ 

២)លីកា សមាជិកក្រុមរាំ OMG ៖ ទោះបីមិនទទួលលទ្ធផលល្អកាលពីឆ្នាំមុន តារារូបនេះនៅតែខំប្រឹងរៀនយ៉ាងអស់ពីសមត្ថភាពនៅក្នុងឆ្នាំនេះម្តងទៀត ដោយពីមួយថ្ងៃទៅមួយថ្ងៃ នាងខំប្រឹងរៀនផង និងរាំផង រកពេលសម្រាកពុំបាននោះទេ។ស្របពេលជាមួយគ្នានេះ អ្នកគាំទ្រក៏លើកទឹកចិត្តនាងគ្រប់គ្នា ថែមទាំងជូនពរឲ្យនាងប្រលងបានលទ្ធផលល្អនៅក្នុងឆ្នាំនេះ។

៣)ម៉ម ពេជ្ជរិទ្ធិ៖ តារារូបនេះមិនខុសពី លីកា សមាជិកក្រុមរាំ OMG នោះទេ ដោយប្អូនមិនបានទទួលលទ្ធផលល្អនៅក្នុងឆ្នាំមុនទេ តែឆ្នាំនេះតារាវ័យក្មេងរូបនេះ នៅតែខំប្រឹងឲ្យអស់ពីសមត្ថភាពដើម្បីទទួលបានភាពជោគជ័យនៅក្នុងឆ្នាំមួយនេះវិញ៕

• សុវត្ថិ មុនីនាគ
• ម៉ម ពេជ្ជរិទ្ធិ
• លីកា(OMG)
• តារាខ្មែរ