រាជធានីភ្នំពេញ ៖ អ្នកបើករ៉ឺម៉កម៉ូតូមានអាការស្រវឹងជោកបើកទៅកៀររថយន្ដដែលកំពុងឆ្លងផ្លូវបណ្ដាលឱ្យរលាត់ថ្នាំកាងក្រោយបន្ដិចហើយក៏មានការឈ្លោះប្រកែកគ្នាដណ្ដើមយកត្រូវរៀងខ្លួនត្រូវសមត្ថកិច្ចយកទៅអប់រំណែនាំពីច្បាប់ចរាចរណ៍ ។ ហេតុការណ៍នេះកើតឡើងនៅវេលាម៉ោង៩និង៣នាទីយប់ថ្ងៃទី១៤ មីនានៅមហាវិថីកម្ពុជាក្រោមកែងផ្លូវលេខ១០៩ ក្នុងសង្កាត់មិត្ដភាព ខណ្ឌ៧មករា ។
ប្រភពព័ត៌មានពីកន្លែងកើតហេតុបានឱ្យដឹងថា រថយន្ដកូរ៉ូឡា ពណ៌ស្ករមួយគ្រឿងបើកតាមមហាវិថីកម្ពុជាក្រោមពីលិចទៅកើត ចំណែក រ៉ឺម៉កម៉ូតូបើកពីកើតទៅលិចក្នុងទិសដៅបញ្ច្រាសគ្នា ខណៈមកដល់ផ្លូវកែង រថយន្ដបត់ឆ្វេងតាមផ្លូវលេខ១០៩ឆ្ពោះទៅមហាវិថីសហព័ន្ធរុស្ស៊ី ។ ពេលកំពុងតែបើកឆ្លងផ្លូវមិនទាន់ទាំងផុតផង ស្រាប់តែរ៉ឺម៉កម៉ូតូបើកទៅកៀរគូទរថយន្ដបណ្ដាលឱ្យរលាត់ថ្នាំកាងក្រោយរួចរ៉ឺម៉កម៉ូតូបើកទៅមុខទៀតធ្វើព្រងើយ ។
ក្រោយពេលកើតហេតុ រថយន្ដកូរ៉ូឡាបានបើកដេញតាមរ៉ឺម៉កម៉ូតូទៅដល់ចំណុចស្ដុបមុខ សណ្ឋាគារណានជីង ទើបឃាត់បានក៏មានការជជែកគ្នា ដោយអ្នកបើករ៉ឺម៉កម៉ូតូស្រវឹងជោកជាំនិយាយថា រូបគាត់មិនបានបុកទេ រថយន្ដជាអ្នកខុស ។ ចំណែកអ្នកបើករថយន្ដនិយាយថារ៉ឺម៉កជាអ្នកខុសទើបខ្លួនកើតទុក្ខមិនសុខចិត្ដបានទូរស័ព្ទហៅប៉ូលិសប៉ុស្ដិ៍មិត្ដភាពទៅជួយអន្ដរាគមន៍។ ប៉ុន្តែការដោះស្រាយនោះនៅតែមិនត្រូវគ្នា ទើបហៅប៉ូលិសជំនាញខណ្ឌ៧មករាចុះទៅយករថយន្ដនិងរ៉ឺម៉កម៉ូតូនោះទៅអប់រំណែនាំនៅខណ្ឌ៧មករា រួចក៏ឱ្យត្រឡប់ទៅលំនៅឋានវិញ ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]