ថៃ៖ ទោះបីជាមានស្វាមីជាប់នៅក្នុងគុកយ៉ាងណាក៏ដោយ ក៏តារាសម្តែង Pat Napapa នៅតែមានប្រជាប្រិយគួរឱ្យកត់សម្គាល់នៅលើវិថីសិល្បៈ ដែលនាងធ្លាប់បានប្រឡូកកន្លងមក។
ហើយនាងក៏បានទទួលក្តីអាណិតអាសូរពីមហាជនទូទៅផងដែរ ចំពោះរឿងរ៉ាវក្នុងឆាកជីវិតដែលនាងធ្លាប់បានជួបប្រទះកាលពីមុន។ មកដល់បច្ចុប្បន្ន Pat Napapa មានឈ្មោះថាអ្នកម្តាយចិញ្ចឹមកូនតែម្នាក់ឯង ដោយនាងតស៊ូប្រឹងប្រែងខ្លាំងមែនទែនក្នុងវិស័យសិល្បៈដើម្បីរកប្រាក់មកចិញ្ចឹមបីបាច់កូន និងអ្នកម្តាយជរាម្នាក់ទៀត ដែលកំពុងមានជំងឺប្រចាំកាយផងដែរ។
ស្ថិតនៅក្នុងការតស៊ូ កាលពីពេលថ្មីៗនេះ តារាសម្តែងស្រីកូនមួយ Pat Napapa ក៏បានដឹកដៃកូនប្រុសបណ្តូលចិត្តរបស់ខ្លួន ថតបង្ហាញម៉ូតឱ្យខាងទស្សនាវដ្តី Daradaily ក្នុងច្បាប់ប្រចាំខែយ៉ាងស្រស់ស្អាតផងដែរ ជាមួយនឹងស្ទាយ៍បែប Femme Vitality ដ៏គួរឱ្យចាប់អារម្មណ៍។
ទន្ទឹមនឹងនេះ ក៏មានមជ្ឈដ្ឋានជុំវិញបានកោតសរសើរកូនប្រុសរបស់នាងដែរថា នៅតូចប៉ុណ្ណឹងសោះ អាចជួយរកលុយឱ្យម្តាយបានទៅហើយ ចុះទម្រាំធំទៀត?
ដោយក្នុងនោះក៏មានការលេចឮថា តម្លៃខ្លួននៃការថតបង្ហាញម៉ូតលើទស្សនាវដ្តី Daradaily លើកនេះ អ្នកទាំងពីរនាក់ម្តាយកូន ក៏បានទទួលកម្រៃមិនតិចនោះដែរ៕
ទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]