តារាប្រុសមុខស្ងួតSean Jindachhot ធ្វើឲ្យGypsy រំភើបខ្លាំង

ថៃ៖ មិនប៉ុន្មានថ្ងៃមុននេះ ពោលគឺកាលពីថ្ងៃទី១២ ខែសីហា កន្លងទៅ ត្រូវបានគ្រប់គ្នាដឹងថា គឺវាទិវាបុណ្យអ្នកម្តាយ ដោយឡែកក្នុងនោះ ក៏ត្រូវជាថ្ងៃកំណើតចូលវ័យ​៣១ឆ្នាំ របស់តារាម៉ូដែលនិងជាតារាសម្តែងស្រីរាងស្អាត កញ្ញា Gypsy ផងដែរ។

គួរឲ្យដឹងថា អំណោយថ្ងៃខួបកំណើតដែលនាងទទួលបាន ពីសំណាក់មិត្តភក្តិនិង មនុស្សជាទីស្រលាញ់នៅក្នុងឆ្នាំនេះ គឺបានធ្វើឲ្យនាងរំភើបចិត្តខ្លាំងមិនធម្មតាឡើយ។ ជាការពិតណាស់ ខួបកំណើតនៅក្នុងឆ្នាំនេះ Gypsy ទទួលបានការអបអរ និងកាដូជាច្រើន ពីមិត្តភក្តិជិតដិតរបស់នាង។

មិនតែប៉ុណ្ណោះ អ្វីដែលធ្វើឲ្យនាងរឹតតែរំភើបចិត្តរីកបេះដូង ជាងនេះទៅទៀតនោះ គឺអំណោយដែលនាងទទួលបានពី ម្ចាស់បេះដូងសំណព្វចិត្ត គឺតារាសម្តែងប្រុសល្បីឈ្មោះលោក Sean Jindachhot ដោយក្នុងនោះ នាងទទួលបាននំខេកអបអរថ្ងៃកំណើតដ៏គួរឲ្យស្រលាញ់មួយ ផ្កាមួយបាច់ដ៏ស្រស់ស្អាត និងបានអមមកជាមួយនឹងសារជូនពរថ្ងៃកំណើតដ៏មានអត្ថន័យថែមទៀតផង។

យ៉ាងណាមិញ បើទោះបីជាកាដូនេះ មិនសូវជាមានតម្លៃថ្លៃយ៉ាងណាក្តី ប៉ុន្តែវាក៏ធ្វើឲ្យ Gypsy រំភើប និងសប្បាយចិត្តយ៉ាងខ្លាំង៕ 

• តារាថៃ