ពិតមែនទេ? ទម្រាំបានមកដល់ពេលនេះ នាយតឹង ធ្លាប់ជាអ្នករត់ម៉ូតូឌុបជាង១០ឆ្នាំ?

ភ្នំពេញ៖ នាយតឹង គឺជាតារាកំប្លែងមួយរូបដែលធ្លាប់តែបង្ហាញមុខនៅក្នុងកម្មវិធីជាច្រើន បានធ្វើឲ្យអ្នកគាំទ្រជាច្រើនមានការងឿងឆ្ងល់ថា ក្រោយលោកបង្ហោះរូបភាពភ្ជាប់ជាមួយនឹងសារ នឹកស្រណោះ និងស្រលាញ់របស់មួយដ៏មានតម្លៃរបស់ខ្លួន នៅលើបណ្តាញសង្គមហ្វេសប៊ុក។

ក្រៅពីតារាកំប្លែងតារារូបនេះ ធ្លាប់ត្រូវបានគេដឹងថាលោកគឺជាអ្នករត់ម៉ូតូឌុបម្នាក់ផងដែរ តែក្រោយពីបានចូលសិល្បៈ និងមកទល់នឹងពេលបច្ចុប្បន្ន គេមិនទាន់ដឹងថាតារារូបនេះនៅតែប្រកបរបស់នេះដែរ ឫក៏អត់នោះទេ។

បន្ថែមពីនេះលោកក៏បានបង្ហោះរូបភាពជាមួយនឹងសារដ៏មានន័យ ខណៈពេលដែលលោកបានខិតខំប្រឹងប្រែងរបស់មកទល់ពេលនេះ តែលោកមិនធ្លាប់គិតថានឹងបោះបង់ម៉ូតូរបស់លោកដែលធ្លាប់មាន ភាពកម្សត់កម្រនឹងគ្នានោះទេ។

ជាមួយគ្នានេះលោកបាននិយាយថា៖«យ៉ាងណាក៏អរគុណដល់អូនសម្លាញ់មួយនេះដែលគាត់នៅរួមរស់ជាមួយខ្ញុំរហូត យើងបានចាប់ដៃគ្នា ជួបព្យុះ ជួបភ្លៀង ជួបក្តៅ ជួបត្រជាក់ មិនថាជិត ឬឆ្ងាយ មិនថាយប់ឬថ្ងៃជាង(១៥ឆ្នាំហើយ)គាត់មិនដែលឲ្យខ្ញុំលំបាកម្តងណានោះទេ អរគុណអូនសម្លាញ់ ដែលឲ្យបងមានអ្វីៗដល់សព្វថ្ងៃនេះ»។

តាមរយៈសារមួយនេះ បានធ្វើឲ្យអ្នកគាំទ្រកាន់តែជ្រាបច្បាស់ថា លោកពិតជាខិតខំប្រឹងប្រែងខ្លាំង ពីអ្នករត់ម៉ូតូឌុបដល់កម្សត់ប្រែក្លាយ ទៅជាតារាម្នាក់ដែលមានជីវភាពប្រសើរជាងមុន។ តែទោះជាយ៉ាងណាក៏មិនទាន់ ដឹងថាលោកនៅតែបន្តរកស៊ីមុខរបរបែបនេះទៀត ឫក៏អត់នោះទេ ដូច្នោះមានតែរង់ចាំការបកស្រាយចេញពីមាត់របស់តារារូបនេះ៕

សូមទស្សនារូបភាពខាងក្រោមនេះ ដើម្បីជ្រាបកាន់តែច្បាស់៖ 

• នាយតឹង
• តារាខ្មែរ