ភ្នំពេញ៖ ប្រិយមិត្ដបានដឹងហើយថា Keisuke Honda ត្រូវបានសហព័ន្ធកីឡាបាល់ទាត់កម្ពុជា តែងតាំងជាអ្នកចាត់ការទូទៅ និងជាគ្រូបង្វឹកក្រុមជម្រើសជាតិកម្ពុជា ជាពិសេសគឺរូបគេមិនយកប្រាក់ខែពីសហព័ន្ធនោះឡើយ ក្នុងរយៈពេល ២ឆ្នាំដែលលោកដឹកនាំ។
យ៉ាងណាក្ដី បើយើងសង្កេតមើលអោយបានច្បាស់បន្ដិច គឺ Honda មិនទាន់អាចដឹកនាំក្រុមគោរព្រៃបាននៅឡើយទេ ត្បិតរូបគេសព្វថៃ្ងនៅជាកីឡាករអាជីពមិនទាន់ចូលនិវត្ដន៍នៅឡើយ ដោយរូបគេប្រកបអាជីពនៅលីកកំពូលអូស្ដ្រាលី ខណៈអតីតកីឡាកររបស់ក្រុម AC Milan នេះ ក៏ពុំទាន់មានសញ្ញាបត្រកម្រិតអ្វីមួយដែរ ដើម្បីធើ្វការដឹកនាំក្រុម។
ត្បិតតែមិនអាចជួយដឹកនាំក្រុមផ្ទាល់មែន ក៏ Honda នៅតែអាចចាំមើលទម្រង់លេង ក៏ដូចជាការហ្វឹកហាត់របស់ក្រុមផងដែរ ដោយលោក Felix Agustin Gonzalez Dalmas ដែលត្រូវបានគេស្គាល់ថា ជាដៃស្ដាំរបស់គេ នឹងត្រូវទទួលភារកិច្ចបង្វឹកក្រុមជម្រើសជាតិកម្ពុជា។
បន្ថែមពីនេះទៀត នៅពេលប្រមូលផ្ដុំ Honda បានបញ្ជាក់យ៉ាងច្បាស់ទៀតថា រូបគេនឹងជួបនិយាយជាមួយកីឡាករកម្ពុជាផ្ទាល់តាម Live Video ប្រសិនបើមិនបានមកផ្ទាល់ទេនោះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]