ឌីជេ ណាណា បង្ហើបសម្ដីមួយឃ្លា ក្រោយពីទស្សនាវីដេអូ សង់សាលារៀនថ្មីជូនសិស្សក្រីក្រ ក្នុងតំបន់ដាច់ស្រយាល

ភ្នំពេញ៖ ឌីជេ ណាណា ដែលគ្រប់គ្នាស្គាល់ថាជា ពិធីការិនីល្បីឈ្មោះពូកែវោហារ មិនចេះរីងស្ងួត បានបង្ហាញអារម្មណ៍រំភើបសប្បាយរីករាយ ក្រោយពីក្រុមហ៊ុន ISI STEEL បានឧបត្ថម្ភសាលារៀនថ្មីមួយខ្នង ជំនួសឱ្យសាលារៀនចាស់ដែលមានសភាពទ្រុឌទ្រោម ដំបូលក៏រហែក ដោយរូបគាត់បានពោលថា ការសាងសង់សាលារៀនថ្មីជូនពួកគាត់គឺជាការ “ចែករំលែកអំពើល្អ” ។

នេះបើតាមសារពីក្រុមហ៊ុន ISI STEEL ក៏បានរៀបរាប់ឲ្យដឹងថា៖

“តើបងប្អូនដឹងទេ ថាប្អូនៗ ដែលរស់នៅតាមតំបន់ដាច់ស្រយាលជួបបញ្ហាអ្វីខ្លះសម្រាប់ការសិក្សា និងមានក្តីសង្ឃឹមយ៉ាងដូចម្តេច? “នៅពេលខ្ញុំអង្គុយរៀន មានមេឃភ្លៀងខ្លាំង ពួកយើងទទឹកជោករកកន្លែងអង្គុយគ្មាន, មេឃក្តៅក៏យើងពិបាករៀន, ខ្យល់ខ្លាំងគឺយើងមិនហ៊ាននៅក្នុងសាលាទេព្រោះខ្លាចសាលារលំ” “ខ្ញុំចង់ក្លាយជាគ្រូបង្រៀន ហើយខ្ញុំសង្ឃឹមថា ខ្ញុំអាចមានសាលារៀនមួយសមរម្យអាចអង្គុយរៀនបានដោយមិនមានការភ័យខ្លាច ទោះមេឃក្តៅ មានភ្លៀង ឬខ្យល់ខ្លាំង។ ខ្ញុំពិតជាត្រូវការចំណេះដឹងខ្លាំងណាស់ដើម្បីជាទុនសម្រាប់ជួយគ្រួសារខ្ញុំ” ក្រោមមូលនិធិ ខេ អឹម អេច (KMH) ដែលជាផ្នែកមួយនៃកម្មវិធីទំនួលខុសត្រូវសង្គម របស់សម្ព័ន្ធ ក្រុមហ៊ុន អាយ អេស អាយ គ្រុប (ISI GROUP) ទាំងអស់ មានមោទនភាពដែលបានឧបត្ថម្ភសាលាមួយខ្នងជួនដល់ប្អូនៗដើម្បីសម្រេចនូវក្តីប្រាថ្នារបស់គាត់។

សូមចូលរួមទស្សនាវីដេអូខាងក្រោមនេះទាំងអស់គ្នា ហើយសូមជួយ Like និង Share ដើម្បីចែករំលែកដល់បងប្អូនផ្សេងៗ ដើម្បីរួមគ្នាជួយដល់សង្គម!

ក្រុមហ៊ុន អាយ អេស អាយ គ្រុប (ISI GROUP) តែងតែយកចិត្តទុកដាក់រួមចំណែក ក្នុងវិស័យអប់រំនៅប្រទេសកម្ពុជា៕

• វីដេអូ
• សាលា