មកស្គាល់ប្រទេសទាំង ១០ ដែលមានប្រជាជនហូបគ្រឿងស្រវឹងច្រើនជាងគេ ស្ទើរតែងូតទៅហើយ

ពិភពលោក៖ បើតាមទិន្នន័យរបស់អង្គការសុខភាពពិភពលោក ប្រទេសដែលមានអត្រាពិសាគ្រឿងស្រវឹងច្រើនជាងគេ ទំនងជាប្រមូលផ្តុំនៅតំបន់អឺរ៉ុប និងកន្លែងផ្សេងៗទៀតនៅអឌ្ឍគោលខាងជើងនៃផែនដី ខណៈប្រទេសក្នុងទ្វីបអាស៊ី អាហ្វ្រិក និងតំបន់ប៉ាស៊ីហ្វិក មានអត្រាពិសាទាបជាង។

អ្វីដែលយើងលើកមកបង្ហាញ គឺជាបរិមាណគ្រឿងស្រវឹងគិតជាលីត្រ និងគិតជាមធ្យមក្នុងមួយឆ្នាំៗ ដែលប្រជាជនម្នាក់ៗអាយុលើស ១៥ ឆ្នាំទូទាំងប្រទេសនីមួយៗពិសា ហើយមិនផ្តោតលើបុគ្គលញៀនជាតិអាល់កុលណាមួយ ដែលផឹកបានច្រើនផ្តាច់គេ ចូលលក្ខណៈលើកពានរង្វាន់ឡើយ។

ខាងក្រោមនេះជាប្រទេសទាំង១០ ដែលប្រជាជនស្ទើរតែងូតគ្រឿងស្រវឹងតែម្តង៖

១០. ស្លូវ៉ាគី 

ជាមធ្យម ១៣ លីត្រ/ម្នាក់ 

៩. សាធារណរដ្ឋឆែក 

ជាមធ្យម ១៣ លីត្រ/ម្នាក់

៨. ហុងគ្រី 

ជាមធ្យម ១៣.៣ លីត្រ/ម្នាក់

៧. អង់ដូរ៉ា 

ជាមធ្យម ១៣.៨ លីត្រ/ម្នាក់

៦. អ៊ុយក្រែន 

ជាមធ្យម ១៤.៤ លីត្រ/ម្នាក់

៥. រ៉ូម៉ានី 

ជាមធ្យម ១៤.៤ លីត្រ/ម្នាក់

៤. រុស្ស៊ី 

ជាមធ្យម ១៥.១០ លីត្រ/ម្នាក់

៣. លីទុយអានី 

ជាមធ្យម ១៥.៤ លីត្រ/ម្នាក់

២. ម៉ូលដូវ៉ា 

ជាមធ្យម ១៦.៨ លីត្រ/ម្នាក់

១. ប៊ែលឡារូស 

ជាមធ្យម ១៧.៥ លីត្រ/ម្នាក់

ទោះយ៉ាងណា គ្រឿងស្រវឹងអាចជួយឱ្យមានសុខភាពល្អបើកាលណាយើងពិសាមានកម្រិតត្រឹមត្រូវក្នុងមួយថ្ងៃៗ ប៉ុន្តែផ្ទុយទៅវិញវាមិនត្រឹមតែធ្វើឱ្យប៉ះពាល់សុខភាពប៉ុណ្ណោះទេ ថែមទាំងអាចបង្កគ្រោះថ្នាក់ផ្សេងៗដោយសារបាត់បង់ម្ចាស់ការ ក្រោយពីផឹកច្រើនជ្រុលហួសកំណត់។ 

ដូច្នេះបើពិសាគ្រឿងស្រវឹង សូមកុំបើកបរ និងពិសាដោយការទទួលខុសត្រូវ៕

តើប្រិយមិត្តយល់យ៉ាងណាដែរ? 

• ទីកន្លែង