រាជធានីភ្នំពេញ ៖ ជនល្មោភកាមម្នាក់បានប្រើកូនកាំបិតចុងស្រួចភ្ជង់បំពង់.ក ស្ត្រីវ័យក្មេងម្នាក់រួចអូសចូលទៅក្នុងបន្ទប់ទឹកប៉ុនប៉ងរំលោភ សេពសន្ថវៈ ប៉ុន្តែត្រូវនាងស្រែកឱ្យគេជួយ បើទោះជាជនខាងលើអង្វរកុំឱ្យនាងស្រែកដោយកុហកថា មានគេកំពុងតាមចាប់ខ្លួនក៏ដោយ ។ ហេតុការណ៍នេះកើតឡើងកាលពីវេលាម៉ោង៣រសៀលថ្ងៃទី១៤ មីនា ២០១២ នៅចំណុចសង្កាត់ចោមចៅ ខណ្ឌពោធិ៍សែនជ័យ ។
ទោះបីជាជននោះខំនិយាយអង្វរបែបណាក៏នារីរង គ្រោះមិនព្រម ព្រោះដឹងថា ជាល្បិចកលថោកទាប ដូច្នេះនាងត្រូវតែស្រែកឱ្យគេជួយរហូតអ្នកជិតខាងផ្អើលឆោឡោ ហើយជននោះក៏បានទាញអង្រែបុកគ្រឿងវាយក្បាលខ្លួនឯងពីរអង្រែបែក ហូរឈាមកក្លាក់ ឯនាងរងគ្រោះក៏បានរត់ចេញក្រៅហើយ ។ អ្នកជិតខាងបានចាក់សោពីខាងក្រៅ ទើបជននោះវាយក្បាលខ្លួន ឯងពីរអង្រែថែមទៀតបែកក្បាលហូរឈាមដួលប្រកាច់ក្នុងថ្លុកឈាម និងសន្លប់បាត់បង់ស្មារតីក្រោយមកត្រូវគេបញ្ជូនទៅសង្គ្រោះ បន្ទាន់នៅមន្ទីរពេទ្យ ។ នារីរងគ្រោះបានឱ្យដឹងថា នៅម៉ោងខាងលើជននោះបានចូលទៅសុំទឹកហូបរួចក៏ដកកូនកាំបិតភ្ជង់ ហើយទាញនាងចូលបន្ទប់ទឹក ដើម្បីរំលោភ នាងក៏សម្រេចចិត្តស្រែកតែម្តង ទើបមានការភ្ញាក់ផ្អើលឡើង ។ ជនសង្ស័យឈ្មោះយួន ហឿន អាយុ២៥ឆ្នាំ ជាកម្មករសំណង់ មានស្រុកកំណើតខេត្តស្វាយរៀង ត្រូវគេបញ្ជូនទៅសង្គ្រោះនៅមន្ទីរពហុព្យាបាល និងសម្ភពចោមចៅដោយមានកម្លាំងនគរបាលប៉ុស្តិ៍យាមការពារ ព្រោះខ្លាចរត់គេចខ្លួនបាត់។ ជននេះមានបំណងវាយក្បាលខ្លួនឯងឱ្យស្លាប់ ឬចង់គេផុតពីការចាប់ខ្លួន។
នារីរងគ្រោះឈ្មោះ ល.ច.ធ អាយុ២០ឆ្នាំ មានទីលំនៅស្រុកគងពិសី ខេត្តកំពងស្ពឺ ស្នាក់នៅបន្ទប់ជួលខាងលើ ក្នុងសង្កាត់ចោមចៅ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]