អ្នកគាំទ្រ បើកភ្នែកធំៗ ពេលឃើញ Peypey Dy និងគូស្នេហ៍លេងសុទ្ធតែថើបគ្នា ឡើងស្វីត

ភ្នំពេញ៖ ក្រោយពីតារាហ្វេសប៊ុកលោកPeypey Dy បានប្រកាសចំណងដៃស្នេហាជាមួយនារីម្នាក់នៅក្នុងបណ្តាញសង្គម កាលពីប៉ុន្មានខែមុនរួចមក ឃើញថាមានការភ្ញាក់ផ្អើលយ៉ាងខ្លាំងចំពោះរឿងនេះក៏មានការស៊ែរតៗគ្នាពេញបណ្តាញសង្គម។

ក៏ប៉ុន្តែរឿងមួយនេះ បានធ្វើឲ្យមហាជនខ្លះបានរំភើបចិត្ត តែអ្នកខ្លះទៀតនៅតែមិនជ្រាបច្បាស់ថានេះជារឿងពិតនោះទេ ព្រោះពួកគេគិតថាគ្រាន់តែជាការសម្តែងតែប៉ុណ្ណោះ។ ខណៈពេលនេះដែរ ឃើញថាពីមួយថ្ងៃទៅមួយថ្ងៃ តារារូបនេះ មិនសូវបង្ហាញភាពផ្អែមល្ហែមនឹងគ្នាប៉ុន្មាននោះទេ។

តែបើរាល់ពេល ដែលគូស្នេហ៍មួយគូនេះ ផ្អែមល្ហែមនឹងគ្នាម្តងៗ ធ្វើឲ្យមហាជនជាច្រើនសឹងលើសជាស្ករ ដូចជាវីដេអូកាលពីយប់មិញនេះដែរ ពួកគេបានUpdate Story នៅក្នុងគណនីអ៊ីនស្តារក្រាមរបស់ខ្លួនយ៉ាងដូច្នោះ។ ដោយក្នុងនោះពួកគេបានថើបមាត់គ្នា យ៉ាងផ្អែមល្ហែម នៅក្នុងក្លឹបរាំលេងកម្សាន្តមួយកន្លែង ខណៈដែលមិនធ្លាប់បានបង្ហាញពីមុនមក។

ស្របពេលជាមួយគ្នានេះ អ្នកគាំទ្រជាច្រើននាំគ្នា បើកភ្នែកធំៗ ក្រោយពីបានឃើញដូច្នោះ ព្រោះថានេះជាលើកទីមួយហើយ ដែលតារាហ្វេសប៊ុកដ៏ល្បីឈ្មោះរូបនេះ បានបង្ហាញភាពផ្អែមល្ហែម ជាមួយគូស្នេហ៍បែបនេះ មិនត្រឹមតែប៉ុណ្ណោះក៏មានអ្នកជូនពរឲ្យពួកគេស្រលាញ់គ្នាបានយូរ និងរង់ចាំថ្ងៃពិសេសផងដែរ៕

ចង់ជ្រាបច្បាស់សូមទស្សនារូបភាពខាងក្រោមនេះ៖ 

• Peypey Dy
• តារាខ្មែរ