វណ្ណា ពិសិដ្ឋ បង្ហាញភាពផ្អែមល្ហែម ជាមួយនឹងគូស្នេហ៍ ក្រោយបាត់មុខពីសិល្បៈ

ភ្នំពេញ៖ បើរម្លឹកដល់បទចម្រៀងដ៏ល្បីរបស់ផលិតកម្មអឹម «ចប់គ្នាបានទេ» ប្រាកដជាមានប្រិយមិត្ត អ្នកស្នេហាវិស័យសិល្បៈ ចងចាំមិនភ្លេចចំពោះទឹកដមសម្លេងយ៉ាងពីរោះរបស់ម្ចាស់បទ ពោលនោះគឺលោក វណ្ណា ពិសិដ្ឋ ជាក់ជាមិនខាន។

ក្រោយពីសាងកេរ្តិ៍ឈ្មោះក្នុងទ្រនំរបស់ផលិតកម្មមិនបានប៉ុន្មាន ស្រាប់តែតារាចម្រៀងសម្លេងធ្ងន់រូបនេះ ហាក់ដូចជាស្ងាត់បាត់មុខពីសិល្បៈ មិនចេញសម្ដែងតាមកម្មវិធីនានា នាំឲ្យអ្នកគាំទ្រជាច្រើន កើតក្ដីចម្ងល់ថាលោក ឈប់ប្រឡូកសិល្បៈឬយ៉ាងណាឲ្យប្រាកដ។

ប៉ុន្តែអ្វីដែលមិននឹកស្មានដល់នោះ ថ្មីៗនេះស្រាប់តែមានការបែកធ្លាយ រូបភាពលោកជាមួយគូស្នេហ៍ ដែលអ្នកទាំង២កំពុងសំងំសាងភាពផ្អែមល្ហែមនឹងគ្នា យ៉ាងមានក្ដីសុខ ធ្វើឲ្យទស្សនិកជន ស្រឡាំងកាំងខ្លាំងតែម្ដង  ។

ជាក់ស្ដែងនេះជាលើកទី១ហើយដែល លោក វណ្ណា ពិសិដ្ឋ ដាច់ចិត្តទម្លាយមុខមាត់មិត្តស្រីសំណព្វចិត្តឲ្យមហាជនបានស្គាល់ដូច្នេះ ។ ទន្ទឹមនឹងនេះគ្រប់គ្នាក៏រំពឹងដែរថា លោក និងគូស្នេហ៍មុខជាមានដំណឹងល្អ ក្នុងពេលឆាប់ៗនេះមិនខាន៕

ខាងក្រោមនេះជារូបភាពរបស់លោក វណ្ណា ពិសិដ្ឋ និងគូស្នេហ៍ 

• វណ្ណា ពិសិដ្ឋ
• តារាខ្មែរ