ក្រុងប៉ោយប៉ែត ៖ បន្ទាប់មកត្រូវបានអ្នកសារព័ត៌មាននៅក្នុងស្រុកមួយចំនួនចុះផ្សាយព័ត៌មានអំពីភិនភាគស្វែងរកក្រុមគ្រួសាររបស់នារីរងគ្រោះ រហូតមកដល់ថ្ងៃទី១៤ មីនា នេះក្រុមគ្រួសាររបស់នាងបានទទួលព័ត៌មានទំនាក់ទំនងជាមួយកម្លាំងកងរាជហត្ថក្រុងប៉ោយប៉ែត និងបានមកទទួលនារីរងគ្រោះនេះវិលត្រឡប់ទៅផ្ទះវិញ ។
លោកវរសេនីយ៍ត្រី ហម ម៉ុត មេបញ្ជាការកងរាជអាវុធហត្ថក្រុងប៉ោយប៉ែតបានឱ្យដឹងថា នៅពេលនេះក្រុមគ្រួសាររួមទាំងម្តាយបង្កើតរបស់នាងបានមកដល់ទីបញ្ជាការកងរាជអាវុធហត្ថរបស់លោក ដោយស្ត្រីជាម្តាយនោះមានឈ្មោះចឹង ធីបាត់ធឿង អាយុ៤៤ឆ្នាំ ជាជនជាតិវៀតណាម ស្នាក់នៅរាជធានីភ្នំពេញ ។ ចំណែកនារីរូបស្រស់ដែលជាជនរងគ្រោះនោះមានឈ្មោះជឿង ធីង៉ុកយុង អាយុ២៤ឆ្នាំ ជាជនជាតិវៀតណាម ស្នាក់នៅជាមួយម្តាយរបស់នាង។ តាមការបំភ្លឺពីស្រ្តីជាម្តាយរបស់នារីរងគ្រោះបានរៀបរាប់ឱ្យដឹងថា កូនស្រីរបស់គាត់នេះធ្លាប់មានជំងឺសរសៃប្រសាទ ហើយនាពេលកន្លងមកពេលដែលរូបគាត់បានស្តីបន្ទោសបន្តិចបន្តួចនោះនាងតែងតែខឹងសំបាហើយមិននិយាយស្តីរកអ្នកណាឡើយ ។
ស្រី្តជាម្តាយបន្តថា កូនស្រីរបស់គាត់បានបាត់ខ្លួនពីផ្ទះកាលពីថ្ងៃទី៤ មីនា មិនដឹងទៅណានោះទេ បន្ទាប់មកទើបលេចឮដំណឹងតាមរយៈសារព័ត៌មានបានចុះផ្សាយអំពីរឿងកូនស្រីរបស់គាត់ ហើយគាត់ក៏បានទំនាក់ទំនងទៅកម្លាំងប៉េអឹមនៅក្រុងប៉ោយប៉ែតតែម្តងទៅ។ លោកវរសេនីយ៍ត្រីហម ម៉ុត មេបញ្ជាការកងរាជអាវុធហត្ថក្រុងប៉ោយប៉ែត បានបញ្ជាក់យ៉ាងច្បាស់ថា ចំពោះនារីរូបស្រស់ដែលរងគ្រោះដើរវង្វេងផ្លូវ នៅក្នុងក្រុងប៉ោយប៉ែត កាលពីថ្ងៃទី១១ មីនា កន្លងមក ហើយសមត្ថកិច្ចរបស់លោកបានជួយឱ្យរួចផុតពីគ្រោះថ្នាក់នេះ ជាក់ស្តែងបានប្រគល់ឱ្យទៅម្តាយរបស់នាងដែលមកទទួលយកទៅផ្ទះវិញហើយ ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]