ទួរគី៖ ក្រោយពីខ្សែបម្រើ Mesut Ozil បានប្រកាសចូលនិវត្តន៍ពីក្រុមបាល់ទាត់ជម្រើសជាតិអាល្លឺម៉ង់រូចមក ប្រជាជនទួរគីជាច្រើនលាននាក់បានលើកនូវបដាចង់ឱ្យកីឡាកររូបនេះមកលេងឱ្យក្រុមជម្រើសជាតិរបស់ពួកគេវិញ។
ទន្ទឹមគ្នានឹងការប្រកាសចូលនិវត្តន៍នេះដែរ អតីតខ្សែបម្រើប្រយុទ្ធរបស់ក្លិបអធិរាជស Real Madrid រូបនេះបានប្រាប់ពីមូលហេតុថា មកពីមានការរើសអើងពូជសាសន៍ និងការមិនគោរព ចំពោះគេពីសំណាក់មន្ត្រីធំនៅក្នុងសហព័ន្ធបាល់ទាត់អាល្លឺម៉ង់ផ្ទាល់ ជាពិសេសគឺអ្នកនយោបាយ ដៃគូសហការ និងប្រព័ន្ធផ្សព្វផ្សាយមួយចំនួនរបស់ប្រទេសអាល្លឺម៉ង់ ជាមូលហេតុចម្បងនៅពីក្រោយការសម្រេចចិត្តចូលវត្តន៏ទាំងបែបនេះតែម្តង។
គួរឲ្យដឹងថា ខណៈដែលកីឡាករវ័យ ២៩ ឆ្នាំរូបនេះបានប្រកាសចូលនិវត្តន៏ពីក្រុមជម្រើសជាតិរួចហើយនោះ ក៏ស្រាប់តែមានរឿងចោទប្រកាន់មួយបានកើតឡើងនៅពេលដែលរូបគេបានទៅជួបជាមួយលោក Erdogan ប្រធានាធិបតីនៃប្រទេសទួរគី និងបានថតរួបជាមួយគ្នាថែមទៀតនោះ គេក៏បានដាក់ការសង្ស័យថាកីឡាករដែលមានដើមកំណើតចេញមកពីប្រទេសទួរគីរូបនេះអាចនឹងវិលទៅជួយប្រទេសមួយនេះវិញផងដែរ។
ខ្សែបម្រើ Mesut Ozil បានកើតនិងធំដឹងក្ដីឡើងនៅក្នុងប្រទេសអាល្លឺម៉ង់ តែគេមានឪពុកម្ដាយជាជនជាតិទួរគី។
សូមបញ្ជាក់ថា មានប្រជាជនទួរគីជាច្រើនលានអ្នកបាននាំគ្នាលើកនូវបដាចង់ឱ្យខ្សែបម្រើរបស់ក្លិបកាំភ្លើងធំ Arsenal រូបនោះមកលេងឱ្យក្រុមជម្រើសជាតិទួរគីវិញ ប្រសិនបើអាល្លឺម៉ង់បានបោះបង់រូបគេរួចហើយនោះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]