អង់គ្លេស៖ លោក Pep Guardiola បានបង្ហើបអំពីការនឿយហត់នឹងភាពជោគជ័យខ្លាំងពេករបស់ខ្លួន ដោយសារតែខ្វះការប្រកួតប្រជែងថ្មីៗ។
គ្រូបង្វឹកសញ្ជាតិអេស្ប៉ាញរូបនេះបាននិយាយនៅក្នុងបទសម្ភាសមួយថា ក្នុងការងារជាគ្រូបង្វឹក លោកតែងតែចង់ស្វែងរកការប្រកួតប្រជែងថ្មីៗ ដើម្បីធ្វើឲ្យលោកចេះតែមានទឹកចិត្តខំប្រឹងបង្វឹកកីឡាករបន្តទៅទៀត។
អតីតគ្រូបង្វឹកក្រុម Barcelona រូបនេះបានបន្តថា មកដល់ក្រុម Manchester City, លោកសង្ឃឹមថា ក្របខ័ណ្ឌ Premier League នឹងក្លាយទៅជាកន្លែងប្រកួតប្រជែងដ៏លំបាកក្នុងអាជីពលោក ប៉ុន្តែក្រោយពីភាពជោគជ័យដ៏សម្បើមកាលពីរដូវកាលមុនធ្វើឲ្យលោកមានការភ្ញាក់ផ្អើលខ្លះដែរ។
បុរសវ័យ៤៧ឆ្នាំរូបនេះបានបន្ថែមថា លោកខ្លាចតែភាពជោគជ័យខ្លាំងបែបនេះ ធ្វើឲ្យលោកអស់កម្លាំងក្នុងការបង្វឹកទេ ហើយដូចជាកាលនៅក្រុម Barcelona អ៊ីចឹង ព្រោះពេលដែលលោកទទួលជោគជ័យខ្លាំងពេក លោកតែងតែចាកចេញពីកន្លែងនោះ ហើយស្វែងរកអ្វីដែលថ្មីៗបន្តទៀត។
គួរឲ្យដឹងថា លោក Guardiola បានដឹកនាំក្រុម Manchester City ឲ្យបំបែកបាន១២កំណត់ត្រាធំៗក្នុងក្របខ័ណ្ឌ Premier League កាលពីរដូវកាលមុន ដោយក្នុងនោះរួមមានដូចជា ក្រុមដែលឈ្នះនិងមានពិន្ទុច្រើនជាងក្នុងមួយរដូវកាល ជាដើម៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]