ចូលរួមសោកស្តាយផង! លោកយាយជាទីស្រលាញ់របស់ អ៊ុក សុវណ្ណារី ទទួលមរណភាព កាលពីម្សិលមិញ

ភ្នំពេញ៖ កាលពីម្សិលមិញនេះ នៅក្នុងគណនីហ្វេសប៊ុក របស់អតីតបេក្ខភាពការប្រលងចម្រៀងលំដាប់ថ្នាក់អន្តរជាតិ The Voice Kids Cambodia រដូវកាលទី១ ប្អូនស្រីអ៊ុក សុវណ្ណារី បានបង្ហោះសារនិងស៊ែររូបភាពដ៏សោកសៅ ខណៈពេលដែលលោកយាយជាទីស្រលាញ់របស់ខ្លួន បានទទួលមរណភាព។

ដំណឹងនេះបានធ្វើឲ្យអ្នកគាំទ្រ ក៏ដូចជាអ្នកលេងបណ្តាញសង្គម មានការសោកស្តាយយ៉ាងខ្លាំង ដែលតារាវ័យក្មេងរូបនេះត្រូវជួបទុក្ខដ៏សែនធំ យ៉ាងដូច្នេះ។ ស្របពេលជាមួយគ្នានេះ ត្រូវបានគេដឹងថាលោកយាយរបស់នាង បានស្លាប់ដោយសារតែដោយរោគាពាធ និងបានទទួលមរណភាព នៅថ្ងៃអាទិត្យ ទី២២ ខែ កក្កដា ឆ្នាំ ២០១៨ ក្នុងវេលាម៉ោង៦:២០ ព្រឹក ក្នុងជន្មាយុ៧៣ ឆ្នាំ។

ជាមួយគ្នានេះដែរ ក៏មានអ្នកលេងបណ្តាញសង្គម បានចូលរួមសោកស្តាយដល់គ្រួសាររបស់តារារូបនេះជាច្រើន ខណៈពេលដែលនាងបានបាត់បង់លោកយាយរបស់ខ្លួនបែបនេះ៕

សូមទស្សនារូបភាពខាងក្រោមនេះ៖  

• អ៊ុក សុវណ្ណារី
• តារាខ្មែរ