ខេត្តបន្ទាយមានជ័យ ៖ ព្រះគ្រូចៅអធិការវត្តបូព៌ស្រុកភ្នំស្រុកបានប្រគេនសត្វ២០ប្រភេទជូនលោកឧបនាយករដ្ឋមន្ត្រី កែ គឹមយ៉ាន និងលោកជំទាវ ម៉ៅ ម៉ាល័យ ដើម្បីយកទៅលេងកន្លែងអភិរក្សភ្នំព្រះស្រុកថ្មពួកនៅពេលខាងមុខនេះ។
លោក យឹម សំណាង អភិបាលស្រុកភ្នំស្រុកបានប្រាប់ថា ព្រះគ្រូចៅអធិការវត្តបូព៌បានប្រគេនសត្វចំនួន២០ប្រភេទ ជូនលោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងប្រធានក្រុមការងារថ្នាក់ជាតិចុះជួយខេត្តបន្ទាយមានជ័យ និងលោកជំទាវ ម៉ៅ ម៉ាល័យ ដើម្បីយកសត្វនេះទៅដោះលេងឲ្យមានសេរីភាពក្នុងតំបន់អភិរក្សភ្នំព្រះស្រុកថ្មពួក ។
លោកបានបញ្ជាក់ថា សត្វដែលព្រះគ្រូចៅអធិការវត្តបូព៌ប្រគេនជូនដោះលេងឲ្យមានសេរីភាពមាន សត្វក្ងោក១គូ សត្វមាន់ទេព១គូ សត្វម៉ាយូរ៉ា១គូ សត្វកេងកង១គូ សត្វព្រាបកន្ទុយក្ងោត១គូ សត្វព្រាបពូជន៍នាំសារ២គូរ សត្វតូម១គូ សត្វប្រវឹក៦ក្បាល សត្វព្រាបខ្មែរ៣ក្បាល សត្វលលកពណ៌ស១ក្បាល សត្វលលកបីសាសន៍១០គូ សត្វមានព្រៃ២គូ សត្វតាវ៉ៅ៤ក្បាល សត្វទន្សាយច្រើនក្បាល សត្វមាន់តូ ឬមាន់បារាំងច្រើនក្បាល និងសត្វជាច្រើនទៀត ។
លោក យឹម សំណាង បានបញ្ជាក់ថា តាមសង្ឃដីកាព្រះគ្រូចៅអធិការវត្តបូព៌ គឺសត្វ២០ប្រភេទនេះ គឺចៅអធិការវត្តទទួលបានពីពុទ្ធបរិស័ទ្ធមកស្រោចទឹក ទិញសត្វមកប្រគេនលេងសត្វរំដោះគ្រោះ និងសត្វទិញពីប្រទេសឥណ្ឌា និងទិញអ្នកស្រុកដើរលក់ ដើម្បីយកមកចិញ្ចឹមទុករហូតបានជា២០ប្រភេទសត្វ ។
ហើយប្រគេនជូនលោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងប្រធានក្រុមការងារថ្នាក់ជាតិចុះជួយខេត្តបន្ទាយមានជ័យ និងលោកជំទាវ ម៉ៅ ម៉ាល័យ ដើម្បីយកសត្វនេះទៅដោះលេងឲ្យមានសេរីភាពក្នុងតំបន់អភិរក្សភ្នំព្រះស្រុកថ្មពួក ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
