សម្បូរពេក! ម៉ាក សែនសូនីតា យកសម្លៀកបំពាក់ថ្លៃៗ របស់ខ្លួនដាក់លក់ខ្ទេច

ភ្នំពេញ៖ តារាសម្តែងវ័យក្មេងដ៏មានប្រជាប្រិយភាព មានហាងឆេងខ្ពស់ក្នុងការងារសិល្បៈ និងជាថៅកែស្រី ក្នុងហាងលក់អាហារមួយផងនោះ កញ្ញាម៉ាក សែនសូនីតា ហៅតូតា កាន់តែធ្វើឲ្យអ្នកគាំទ្រជាច្រើនសរសើរពីជីវិតរបស់នាង ដែលហាយសូរគួរឲ្យច្រណែន។

មិនថាដើរលេងក្រៅប្រទេស ក៏ដូចជាលុយ ឡាន សម្លៀកបំពាក់ថ្លៃៗតារារូបនេះមានមិនខ្លះ ជាពិសេសនោះនាងតែងបង្ហាញជីវិតដ៏សម្បូរបែប បែបនេះគ្រប់ពេលនៅក្នុងបណ្តាញសង្គម តែទោះជាមានបានយ៉ាងណាក្តី តារាវ័យក្មេងរូបនេះមិនដែលភ្លេចធ្វើបុណ្យជួយដល់អ្នកក្រីក្រនោះដែរ។

ជាក់ស្តែង កាលពីប៉ុន្មានម៉ោងមុននេះដែរ នៅក្នុងទំព័រហ្វេសប៊ុករបស់តារារូបនេះបានបង្ហោះរូបភាពជាច្រើនសន្លឹក ជាមួយនឹងម៉ូតសម្លៀកបំពាក់របស់ខ្លួន ដាក់លក់មួយទឹក ដែលមានតម្លៃចាប់ពី១០ដុល្លារឡើងទៅ ដែលសុទ្ធតែជាម៉ូតសម្លៀកបំពាក់ស្អាតៗ និងពេញនិយមខ្លាំង។

ស្របពេលជាមួយគ្នានេះ បានធ្វើឲ្យអ្នកគាំទ្រសរសើរដល់នាង ដែលមានគំនិតចេះរកស៊ីគ្រប់ពេលតែម្តង ទាំងដែលខ្លួននៅក្មេង មិនត្រឹមតែប៉ុណ្ណោះក៏មានការជួយទិញព្រោងព្រាត៕

ចង់ជ្រាបច្បាស់សូមទស្សនារូបភាពខាងក្រោមនេះ៖ 

• ម៉ាក សែនសូនីតា
• តារាខ្មែរ