រាជធានីភ្នំពេញ ៖ និស្សិត២នាក់ ត្រូវប៉ូលិសប៉ុស្តិ៍ទឹកល្អក់ទី២ ខណ្ឌទួលគោក ឃាត់ខ្លួនដើម្បីសួរនាំ កាលពីវេលាម៉ោង៣និង២០នាទី រសៀលថ្ងៃទី១៣ មីនា ខណៈដែលសមត្ថកិច្ចមានការសង្ស័យថា និស្សិតរូបនោះជិះម៉ូតូស្គូពី ពណ៌សលាយផ្កាឈូក មានបិទបាំងស្លាកលេខ។
និស្សិតដែលរៀនចេះដឹងហើយ មិនគោរពច្បាប់ឈ្មោះ ង៉េន ហន ភេទប្រុស អាយុ១៩ឆ្នាំ ជានិស្សិតពេទ្យយោធា មានលំនៅផ្ទះជួល សង្កាត់ទឹកថ្លា ខណ្ឌសែនសុខ ជាម្ចាស់ម៉ូតូ ២- ឈ្មោះហ៊ុន គុណម៉ារឌី ភេទប្រុស អាយុ១៩ឆ្នាំ ជានិស្សិតសាកលវិទ្យាល័យភូមិន្ទកសិកម្ម មានទីលំនៅសង្កាត់ដង្កោ ខណ្ឌដង្កោ ។
តាមមន្ត្រីប៉ូលិសឱ្យដឹងថា ការឃាត់ខ្លួននិស្សិត២រូបនោះ គឺដើម្បីសួរនាំ ដោយរសង្ស័យថា មានជាប់ពាក់ព័ន្ធបទល្មើស ព្រោះនិស្សិតរូបនោះជិះម៉ូតូម៉ាកស្គូពី បិទស្លាកលេខ ដែលកន្លងមកក្រុមជនល្មើសតែងតែប្រើរូបភាព បិទស្លាកលេខម៉ូតូ ហើយចេញធ្វើសកម្មភាពឆក់និងប្លន់ នៅក្នុងរាជធានីភ្នំពេញ ។ ទោះបីជាយ៉ាងណាមិនត្រឹមតែនិស្សិតនោះជិះម៉ូតូបិទស្លាកលេខ នោះទេ សូម្បីតែកញ្ចក់ក៏គ្មាន ហើយអត់ពាក់មួកសុវត្ថិភាពទៀត ដូច្នេះត្រូវតែឃាត់សួរនាំ ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]