អាមេរិក៖ កីឡាករ Alexis Sanchez បានទទួលទិដ្ឋាការធ្វើដំណើរទៅសហរដ្ឋអាមេរិកហើយ ក្រោយពីរូបលោកត្រូវរង់ចាំអស់រយៈពេលជាងមួយសប្តាហ៍។
ខ្សែប្រយុទ្ធវ័យ២៩ឆ្នាំរូបនេះត្រូវខកខានមិនបានធ្វើដំណើរទៅកាន់សហរដ្ឋអាមេរិកជាមួយមិត្តរួមក្រុម ខណៈដែលពួកគេគ្រោងនឹងធ្វើដំណើរទៅកាន់ទីក្រុង Phoenix រដ្ឋ Arizona ដើម្បីប្រកួតជាមួយក្រុម Club America។
ហេតុផលពីក្រោយការខកខានជើងហោះហើររបស់កីឡាករសញ្ជាតិឈីលីរូបនេះ គឺដោយសារតែរូបគេមិនទទួលបានទិដ្ឋាការពីស្ថានទូតអាមេរិកនោះទេ ព្រោះតែរូបគេមានរឿងពាក់ព័ន្ធនឹងការមិនបង់ពន្ធជូនរដ្ឋតាំងពីរូបគេលេងនៅក្រុម Barcelona ឯណោះ។
យ៉ាងណាមិញ អតីតខ្សែប្រយុទ្ធក្រុម Arsenal រូបនេះបានទទួលនូវដំណឹងល្អកាលពីយប់មិញ ដោយរូបគេត្រូវបានស្ថានទូតអាមេរិកផ្តល់សិទ្ធឲ្យធ្វើដំណើរទៅចូលរួមមិត្តរួមក្រុមនៅសហរដ្ឋអាមេរិកជាស្ថាពរ ក្រោយពីក្លិប Manchester United បានជួយចេញមុខចរចាជាមួយខាងស្ថានទូត។
គួរឲ្យដឹងថា ក្រុម Manchester United នឹងចូលរួមប្រកួតក្នុងពានរង្វាន់មិត្តភាព International Champions Cup ដោយពួកនឹប៉ះជាមួយក្រុម AC Milan នៅថ្ងៃ២៦, ប៉ជាមួយក្រុម Liverpool នៅថ្ងៃទី២៩ និងប៉ះជាមួយ Real Madrid នៅថ្ងៃទី១ ខែសីហាខាងមុខនេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]