(ភ្នំពេញ)៖ អាចនិយាយបានថា ញឹម ច័ន្ទថន ទទួលបានការគាំទ្រយ៉ាងខ្លាំងលើអាជីព ជាតារាសម្ដែងរបស់នាង តាំងពីឈានជើងចូលវិស័យសិល្បៈកន្លងមក។ ក្នុងនោះផងដែរ កញ្ញា ក៏ទទួលបានការចាប់អារម្មណ៍ នៅឯខាងក្រៅប្រទេសយ៉ាងគួរឲ្យកត់សម្គាល់ ឧស្សាហ៍បានចេញទៅសម្ដែង បានច្រើនប្រទេស។
ទោះបីជីវិតសិល្បៈរបស់ កញ្ញា ញឹម ច័ន្ទថន មានភាពល្អប្រសើរ ក៏ពិតមែន តែតារាស្រីរូបនេះ នៅតែមានទុក្ខលំបាកច្រើន ក្នុងគ្រួសារផងដែរ។
ជាក់ស្ដែង កាលពីថ្មីៗនេះ កញ្ញា ញឹម ច័ន្ទថន មានទុក្ខជាន់ទុក្ខ ដោយម្ដាយ របស់នាងបានធ្លាក់ខ្លួនឈឺ មិនទាន់បានជាសះស្បើយស្រួលបួលផង ហើយពេលនេះ ក្មួយរបស់នាង បានបាក់ដៃថែមទៀត នេះបើតាម ការបង្ហោះរបស់នាង នៅលើគណនីហ្វេសប៊ុក ។
គួរបញ្ជាក់ផងដែរ ថាម្ដាយរបស់នាង បានធ្លាក់ខ្លួនឈឺ តាំងពីនាង ចេញទៅសម្ដែងនៅក្រៅប្រទេស កាលពីលើកមុនមកម្ល៉េះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
