កម្ពុជា៖ ថ្នាលយុវជនកម្ពុជា ៣ រូបរបស់ក្លិបបឹងកេតបានទៅចូលរួមក្នុងការប្រកួតជាមួយយុវជនផ្សេងៗទៀត ក្នុងព្រឹត្តិការណ៍ពានរង្វាន់ FCBEscola China Tournament នៅក្នុងប្រទេសចិនដែលរៀបចំឡើងដោយក្លិប FC Barcelona ផ្ទាល់។
ថ្នាលយុវជនទាំង ៣ រូបរបស់ក្លិបបឹងកេតរួមមានដូចជាកីឡាករ ស្រេង ម៉ានិតសត្យា និងស្រេង ម៉ានិតចិត្រា ដែលពួកគេទាំងពីរនាក់នឹងត្រូវចូលរួមជាមួយក្រុមយុវជនរបស់សាលាបាល់ទាត់ក្លិបអ្នកមានបុណ្យ Barcelona នៅសឹង្ហបុរីដែលមានអាយុក្រោម ១៦ ឆ្នាំ។ ចំណែកកុមារា ប៉ុល សុសីហរាជ នឹងត្រូវចូលរួមជាមួយក្រុមយុវជនផ្សេងទៀតដែលមានអាយុក្រោម ១០ ឆ្នាំ។
គួរឲ្យដឹងផងដែរថាពួកគេទាំង ៣ នាក់នោះក៏បានទៅដល់ក្នុងប្រទេសចិនរួចរាល់ផងដែរ ពោលគឺកំពុងហ្វឹកហាត់ដើម្បីត្រៀមសម្រាប់ការប្រកួតដំបូងរបស់ពួកគេ។
សូមបញ្ជាក់ថាព្រឹត្តិការណ៍ពានរង្វាន់ FCBEscola China Tournament នឹងចាប់ផ្តើមធ្វើការប្រកួតចាប់ពីថ្ងៃទី១៩ ដល់២២ ខែកក្កដា ឆ្នាំ ២០១៨ នៅប្រទេសចិន។ ខណៈពេលដែរថ្នាល់យុវជនរបស់ក្លិបបឹងកេតទាំង ៣ រូបនេះទើបតែបញ្ចប់ការហ្វឹកហាត់នៅសាលាបាល់ទាត់របស់ក្លិបអ្នកមានបុណ្យ Barcelona ក្នុងប្រទេសសិង្ហបុរីផងដែរ ហើយពួកគេក៏ត្រូវបានគ្រូបង្វឹកធ្វើការជ្រើសរើសឲ្យទៅចូលរួមក្នុងពានរង្វាន់ដ៏អស្ចារ្យមួយនេះតែម្តង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
