អេស្ប៉ាញ៖ លោក Florentino Perez បានប្រកាសជំហរយ៉ាងរឹងមាំថា ក្រុម Real Madrid នឹងនៅតែបន្តនាំកីឡាករល្បីៗមកលេងឲ្យក្លិបទៀត ដើម្បីជំនួសកីឡាករឆ្នើម Cristiano Ronaldo។
ក្រោយពី Ronaldo បានបង្ហាញខ្លួនជាកីឡាកររបស់ក្រុម Juventus ជាផ្លូវការ លោក Perez ត្រូវបានអ្នកគាំទ្រមួយចំនួនធំធ្វើការរិះគន់មិនសំចៃដៃ ដោយសារតែលោកបានបើកភ្លើងខៀវឲ្យកីឡាករដែលជួយឲ្យក្រុម Real Madrid ឈ្នះពាន Champions League ដល់ទៅ៤ដងក្នុងរយៈពេល៥ឆ្នាំ។
យ៉ាងណាមិញ ម្ចាស់ក្លិបសញ្ជាតិអេស្ប៉ាញរូបនេះបានចេញមុខមកបកស្រាយឲ្យអស់មន្ទិលពីអ្នកគាំទ្រ ដោយលោកបានប្រកាសជំហរដ៏រឹងមាំលើការពង្រឹងក្លិប ហើយបានសន្យាអំពីការទិញកីឡាករល្បីៗនៅលើពិភពបាល់ទាត់ មកកាន់ទឹកដី Santiago Bernabeu។
ក្នុងនោះដែរ លោក Perez បានបញ្ជាក់យ៉ាងច្បាស់ថា ក្រុម Real Madrid នៅតែជាក្លិបល្អជាងគេលើលោក បើទោះបីជាអវត្តមានកីឡាករឆ្នើមក៏ដោយ ហើយលោកសង្ឃឹមថា អ្នកគាំទ្រនឹងនៅតែជឿជាក់លើការសម្រេចចិត្តរបស់ក្លិបបន្តទៀត។
គួរឲ្យដឹងថា ក្រុម Real Madrid បានកំពុងតែតាមចែចូវខ្សែប្រយុទ្ធ Eden Hazard និង Kylian Mbappe ក្រោយពីពួកគេទាំងពីររូបបានបង្ហាញទម្រង់លេងដ៏ល្អនៅក្នុងព្រឹត្តិការណ៍ World Cup៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
