Bosco Wong បដិសេធថា មិនទាក់ទង ជាមួយ Rose Chan ទាំងដែលនាងទៅផ្ទះលោករហូត

ហុងកុង៖ ទោះបីជាតារាសម្តែងទាំងពីរ លោក Bosco Wong វ័យ៣៧ឆ្នាំ និង នាង Rose Chan វ័យ២៥ឆ្នាំ បដិសេធមករហូតថា អ្នកទាំងពីរមិនមានទំនាក់ទំនងស្នេហានឹងគ្នាក៏ដោយ ប៉ុន្តែគេតែងសង្កេតឃើញថា ឡានរបស់តារាសម្តែងស្រីរូបនេះ ចតនៅខាងក្រោមផ្ទះរបស់តារាប្រុសរូបនេះជាច្រើនដងរួចមកហើយ។

ស្របពេលជាមួយគ្នានេះដែរ អ្នកទាំងពីរ បាននិយាយថាទៅកាន់អ្នកសារព័ត៌មានក្នុងស្រុកថា អ្នកទាំងពីរការពិតទៅ មកប្រជុំគ្នាជាមួយមិត្តភក្តិនៅផ្ទះតារាសម្តែងរូបនេះ គ្រាន់តែមកមើល World Cup តែប៉ុណ្ណោះ មិនមានអ្វីលើសពីនេះ នោះទេ។ 

មិនត្រឹមតែប៉ុណ្ណោះ លោកនិយាយទៅកាន់ សារព័ត៌មាន Tabloid ថា លោកមិនមានពេលវេលាគ្រប់គ្រាន់ទៅ មានទំនាក់ទំនងស្នេហា ជាមួយអ្នកណាម្នាក់នោះទេ ពីព្រោះលោកពេលនេះ កំពុងតែជាប់រវល់ក្នុងការសម្តែង ជាពិសេសហាងអាហារ របស់លោកក៏កំពុងតែនឹងដំណើរការក្នុងពេលឆាប់ៗនេះដូចគ្នាផងដែរ៕

• តារាចិន