ខេត្តស្វាយរៀង ៖ មានការភ្ញាក់ផ្អើលយ៉ាងខ្លាំងដោយបុរសម្នាក់ត្រូវថ្មកាត់ដែកបាន បាក់បណ្តាលឱ្យខ្ទាតមកជង់ជាប់ដើមទ្រូងរងរបួសយ៉ាងធ្ងន់ធ្ងរ លិចជម្រៅប្រមាណជិត៣ថ្នាំដៃ សន្លប់ឈឹង ។ ករណីនេះបានកើតឡើងកាលពីវេលាម៉ោង៧និង៣០នាទីព្រឹកថ្ងៃទី១៤ មីនា ។
ជនរងគ្រោះឈ្មោះ ឃឹម សាវ៉ឺន ភេទប្រុស អាយុ៣៥ឆ្នាំ រស់នៅភូមិវាយ ឃុំគគីរសោម ស្រុកស្វាយទាប ។ បុរសម្នាក់បានប្រាប់ឱ្យដឹងពីហេតុការណ៍ នេះថា មុនពេលកើតហេតុ បុរសរងគ្រោះបានយកថ្មកាត់ដែកដោតចូលព្រីភ្លើងបម្រុងកាត់ដែក ទ្វារបង្អួច ពេលចុចម៉ូទ័រមិនទាន់ទាំងបានកាត់ផង ស្រាប់តែថ្មកាត់នោះបាក់ជាពីរកំណាត់បណ្តាលឱ្យខ្ទាតបុកចំដើមទ្រូង លិចចូលដើមទ្រូងសន្លប់ឈឹង ហើយត្រូវក្រុមគ្រួសារប្រញាប់ប្រញាល់ដឹកជនរងគ្រោះទៅកាន់មន្ទីរ ពេទ្យខេត្ត ដើម្បីសង្គ្រោះ តែដោយសាររបួសធ្ងន់ធ្ងរពេកក្រុមគ្រួសារក៏បញ្ជូនបន្តទៅ ព្យាបាលនៅមន្ទីរពេទ្យព្រះសុកុមៈភ្នំពេញ ។
នេះជាគ្រោះដ៏អាក្រក់គួរឱ្យញាក់សាច់ មិនដឹងថា ជោគវាសនា ជនរងគ្រោះទៅជាយ៉ាងណានៅឡើយទេ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
