អុីតាលី៖ ខ្សែប្រយុទ្ធ Juan Cuadrado ដែលធ្លាប់តែពាក់អាវលេខ ៧ នៅក្នុងក្លិប Juventus បានក្លាយទៅជាប្រធានដ៏ក្តៅមួយ បន្ទាប់មកដល់របស់ខ្សែប្រយុទ្ធ Cristiano Ronaldo ពេលនេះថាតើអតីតម្ចាស់អាវលេខ ៧ រូបនោះគួរតែយកលេខ ១០ របស់កីឡាករ Paulo Dybala វិញឬយ៉ាងណា ក្រោយពីលេខដែលគេធ្លាប់ពាក់ត្រូវបានកីឡាករចំណូលថ្មីដណ្តើមយកទៅបាត់ហើយនេះ។
ខ្សែប្រយុទ្ធរបស់ក្រុមជម្រើសជាតិកូឡុំប៊ីរូបនេះបានពាក់អាវលេខ ៧ នេះចាប់តាំងពីរូបគេត្រូវបានក្លិប Juventus ខ្ចីជើងពីក្រុមតោខៀវ Chelsea ជាលើកទី ២ កាលពីរដូវកាល ២០១៦-១៧ មកម្ល៉េះ។
Cuadrado ក៏បានសរសេរនៅលើប្រព័ន្ធផ្សព្វផ្សាយសង្គម Instagram របស់គេថា៖ «ខ្ញុំសុខចិត្តផ្តល់របស់នោះឲ្យទៅអ្នកគឺប្រសើរជាងខ្ញុំបន្តពាក់វាតទៅទៀត។ ជូនពរឲ្យ Cristiano Ronaldo ជោគជ័យនៅក្នុងរដូវកាលថ្មីនេះ»។
គួរឲ្យដឹងថា ថ្វីត្បិតតែលេខ ៧ របស់ Cuadrado ត្រូវបានអតីតខ្សែប្រយុទ្ធក្រុម Real Madrid រូបនោះដណ្តើមយកទៅក៏ពិតមែន តែគេអាចនៅសល់ជម្រើស ៤ ទៀតគឺ លេខ ១៦, ២១, ៤៩ និង ១០ របស់កីឡាករ Dybala ប៉ុន្តែដោយសារតែលេខជម្រើសចុងក្រោយនេះ ជាកម្មសិទ្ធិរបស់ខ្សែប្រយុទ្ធក្រុមជម្រើសជាតិិអាហ្សង់ទីន ដូច្នេះហើយទើបកើតមានភាពចម្រុងចម្រាស់គ្នាកើតឡើង។
សូមបញ្ជាក់ផងដែរថា Ronaldo បានផ្ទេរមកកាន់ក្លិប Juventus ក្នុងតម្លៃ ១១៧ លានដុល្លារ ហើយគេតែងតែពាក់អាវលេខ ៧ ជានិច្ចមិនថាពេលនៅ Man Utd, Real Madrid និង ជម្រើសជាតិក្តី៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]