រាជធានីភ្នំពេញ ៖ ស្ត្រីវ័យក្មេងម្នាក់ជិះរថយន្តចេញមកពីកោះពេជ្រវិញជាមួយសង្សារមកដល់ក្រោយវិទ្យាល័យព្រះយុគន្ធរក៏ឈ្លោះប្រកែកគ្នាស្រែកឡូឡាពេញផ្លូវ ស្រាប់តែខាងប្រុសហៅប្អូនស្រីបង្កើតមកវាយសង្សារខ្លួនឯងទៀត ហេតុការណ៍នេះបានកើតឡើងកាលពីវេលាម៉ោង៨នឹង៣០នាទីយប់ថ្ងៃទី១៥ ខែកក្កដា ឆ្នាំ២០១៨ តាមបណ្តោយផ្លូវ២៨៨ នៅចំណុចក្រោយវិទ្យាល័យព្រះយុគន្ធរ ស្ថិតនៅក្នុងសង្កាត់បឹងកេងកង២ ខណ្ឌចំការមន ។
តាមប្រភពព័ត៌មានពីជនរងគ្រោះសុំមិនបញ្ចេញឈ្មោះបានឲ្យដឹងថា មុនពេលកើតហេតុគាត់ជាមួយសង្សារដែលរស់នៅជាមួយគ្នាអស់រយៈពេល២ឆ្នាំមកហើយធ្លាប់មានកូនជាមួយគ្នា២ដងមកហើយ ប៉ុន្តែលើកទី១បានទម្លាក់ចោល ។ ហើយលើកនេះមានកូនចំនួនមួយខែ ។
មុនពេលកើតហេតុជនរងគ្រោះបានជិះរថយន្តមួយគ្រឿង ពណ៌ស ពាក់ស្លាកលេខភ្នំពេញ2AD- 4121 ចេញមកពីកោះពេជ្រវិញ ធ្វើដំណើរមកតាមផ្លូវ ស្រាប់តែខាងស្រីសុំខាងប្រុសទុកកូន ប៉ុន្តែខាងប្រុសនិយាយថា ចង់ទុកក៏ទុកទៅ តែខាងប្រុសមានស្រីផ្សេងមិនចង់ទទួលខុសត្រូវទើបជនរងគ្រោះខឹងក៏ឲ្យឈប់រថយន្ត រួចស្រែកឡូឡាផ្អើលប្រជាពលរដ្ឋនាំគ្នាចោមរោមមើល ភ្លាមៗនោះដែលខាងប្រុសក៏ទូរស័ព្ទហៅប្អូនស្រីបង្កើតរបស់គាត់មកដល់បានវ៉ៃប្រតាយប្រតប់ជាមួយជនរងគ្រោះ សំណាងល្អមានសមត្ថកិច្ចប៉ុស្តិ៍បឹងកេងកង២ មកអន្តរាគមន៍ឃាត់យកទៅសួរនាំ ។
ជនរងគ្រោះបានបន្តទៀតថា គាត់ដឹងថាសង្សារគាត់មានស្រីថ្មីទើបប្រើពាក្យសម្តីមិនសមគួរមកដល់រូបគាត់នឹងគំរាមថា ម្តាយឪពុកគេមិនឲ្យយករូបគាត់ទេ ហើយម្តាយខាងគាត់មិនបានដឹងថា គាត់រស់នៅជាមួយសង្សារគាត់នោះទេ ដឹងត្រឹមថា គាត់មករៀនពេទ្យតែប៉ុណ្ណោះ ។
ប្រភព៖ kohsantepheapdaily
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]