តោះមកមើល សម្រស់របស់បុត្រទាំង៣របស់ ព្រះអង្គម្ចាស់ William ដែលត្រូវជាបងប្រុសរបស់ព្រះអង្គម្ចាស់ Harry

ចក្រភពអង់គ្លេស៖ ជាក់ស្តែង ប្រហែលជាអ្នកទាំងអស់គ្នា បានស្គាល់ព្រះអង្គម្ចាស់ Harry ច្បាស់ជាង ព្រះអង្គម្ចាស់ William ដោយសារតែ ប៉ុន្មានខែមុននេះ រាជាអភិសេករបស់ព្រះអង្គម្ចាស់ Harry ជាមួយ អតីតតារាសម្តែង Meghan Markle ពិតជាកក្រើកខ្លាំងមែនទែន។ យ៉ាងណាមិញ ថ្ងៃនេះប្រិយមិត្ត បានជ្រាបច្បាស់អំពី ព្រះអង្គម្ចាស់ William វិញម្តង ព្រមជាមួយបុត្រទាំង ៣អង្គ របស់ព្រះអង្គម្ចាស់ ជាមួយព្រះនាង Kate Middleton។

ព្រះអង្គម្ចាស់ William ទ្រង់បានរៀបជាភិសេកជាមួយ ព្រះនាង Kate Middleton ក្នុងឆ្នាំ ២០១១ មានបុត្រចំនួន ៣អង្គ ដោយការពីខែ មេសាកន្លងទៅនេះ ព្រះនាង Kate បានប្រសូតបុត្រាមួយអង្គទៀត ដែលទើបតែប្រសិទ្ធនាម មានឈ្មោះថា ព្រះអង្គម្ចាស់ Louis។ 

ក្នុងនោះដែរ បុត្រាទី ១ របស់ព្រះអង្គ William ព្រះអង្គម្ចាស់ Gorge មានអាយុ ៤វស្សា និងកំពុងតែមានប្រជាប្រិយភាពជាខ្លាំង ដោយសារតែព្រះអង្គ មានភាពរួសរាយរាក់ទាក់ ពូកែលេងទឹកមុខ និងមានចិត្តសប្បុរសយ៉ាងខ្លាំងចំពោះសត្វថែមទៀតផង។

ចំពោះបុត្រីទី២ របស់ព្រអង្គម្ចាស់វិញ ព្រះនាង Charlotte មានអាយុ ៣វស្សា មានសម្រស់ពិតជាស្អាតមិនចាញ់ ព្រះនាង Kate Middleton នោះឡើយ ព្រមទាំងពេលនេះ ព្រះនាង កំពុងតែមានប្រជាប្រិយភាពយ៉ាងខ្លាំងមិនចាញ់ ព្រះអង្គម្ចាស់ Gorge នោះទេ។

ចំណែកឯ បុត្រាពៅ ព្រះអង្គម្ចាស់ Louis ដែល ទើបតែប្រសូតបានរយៈពេល ២ខែនោះ កំពុងតែក្លាយជាទីចាប់អារម្មណ៍មិនចាញ់បងៗនោះឡើយ ដោយកាលពីប៉ុន្មានថ្ងៃមុននេះ ព្រះអង្គទើបតែបង្ហាញខ្លួននៅពេលដែល ព្រះរាជវាំងមានកម្មវិធី ដោយគេសង្កេតឃើញថា ព្រះអង្គមានសម្រស់សង្ហាមិនចាញ់ ព្រះអង្គម្ចាស់ Gorge នោះឡើយ៕

• គ្រួសារ