ចាន់ សម័យ រម្លឹកបទចាស់ «មិនស្រលាញ់អូនមិនបាន» នៅតែពីរោះទោះខានច្រៀងច្រើនឆ្នាំ! (មានវីដេអូ)

ភ្នំពេញ៖ ជាការពិតណាស់ ក្រោយពីស្ថានភាពរស់នៅបច្ចុប្បន្នរបស់ តារាចម្រៀងចាស់ឆ្នាំ លោក ចាន់ សម័យ ត្រូវបានបើកបង្ហាញជាសារធារណៈ ពីភាពកម្សត់កម្រ ធ្វើឲ្យទស្សនិកជន ជាពិសេស មិត្តសិល្បៈរួមអាជីពមានក្ដីអាណិតអាសូរតារារូបនេះជាខ្លាំង។

ក្នុងនោះ ក៏មានសប្បុរសជនជាច្រើន បានជួយជាអំណោយ រួមទាំងថវិការមួយចំនួន ដើម្បីសម្រួលការលំបាក ក្នុងបន្ទុកគ្រួសាររបស់លោកផងដែរ។

ជាក់ស្ដែង ក្រឡេកមកចាប់អារម្មណ៍ រូបសម្រស់របស់តារាចម្រៀងរូបនេះវិញ ហាក់បីដូចជាមានសភាពទ្រុឌទ្រោម ខណៈពេលជំងឺលោក កាន់តែឈឺខ្លាំងឡើងដូចគ្នា។

ប៉ុន្តែអ្វីដែលគួរឲ្យសរសើរនោះ ចំពោះទឹកដមសំឡេងរបស់លោក ចាន់ សម័យ គឺអាចនិយាយបានថានៅតែពីរោះ បើទោះជាលោកខានច្រៀងអស់ពេលច្រើនឆ្នាំហើយក៏ដោយ។ នេះបើយោងតាមវីដេអូ ដែលគេបានចែកចាយលើបណ្ដាញសង្គម ឲ្យឃើញពីការបកស្រាយចម្រៀងចាស់របស់លោក ដែលមានចំណងជើងថា «មិនស្រលាញ់អូនមិនបាន» ។

គួររម្លឹកដែលថា លោក ចាន់ សម័យយ ធ្លាប់ជាតារាចម្រៀងប្រចាំផលិតកម្មព្រះវិហារ ដែលកាលនោះ លោកបានសាងស្នាដៃតាមរយៈបទចម្រៀងល្បីៗជាច្រើនដូចជា៖ «សុំមេមាន់មួយ» «ស្តង់ដាស្រីស្អាត»  រួមទាំងបទ «មិនស្រលាញ់អូនមិនបាន» នេះផងដែរ៕

ចង់ជ្រាបច្បាស់ទស្សនាវីដេអូខាងក្រោម៖

• ចាន់​ សម័យ
• វីដេអូ
• តារាខ្មែរ