បារាំង៖ ខ្សែបម្រើរបស់ក្រុមជម្រើសជាតិបារាំងកីឡាករ Paul Pogba បានលើកឡើងថាក្រុមរបស់គេនឹងមិនធ្វើឲ្យអ្នកគាំទ្រអស់សង្ឃឹមម្តងទៀតនោះទេ ជាពិសេសគឺគេមិនបណ្ដោយឲ្យប្រវត្តិសាស្ត្រចាញ់នៅវគ្គផ្ដាច់ព្រ័ត្រកើតមានឡើងម្ដងទៀតឡើយ។
គួររំលឹកផងដែរថា ក្រុមមាន់គកបារាំងបានឡើងដល់វគ្គផ្ដាច់ព្រ័ត្រនៃព្រឹត្តិការណ៍ Euro ឆ្នាំ ២០១៦ ប៉ុន្តែពួកគេត្រូវខកចិត្តទៅវិញ ក្រោយពីចាញ់ក្រុមភ្ញៀវព័រទុយហ្គាល់ក្នុងលទ្ធផល ១-០ នៅលើទឹកដីខ្លួនឯង។
យ៉ាងណាមិញ ក្រោយពីពួកគេបានទម្លាក់ក្រុមជម្រើសជាតិប៊ែលហ្សុិក ដើម្បីបានឱកាសឡើងមកកាន់វគ្គផ្ដាច់ព្រ័ត្រ World Cup នេះខ្សែបម្រើរបស់ក្លិបបិសាចក្រហម Manchester United បានប្ដេជ្ញាចិត្តថាគេនឹងមិនធ្វើឲ្យអ្នកគាំទ្រអស់សង្ឃឹមជាលើកទី ២ នោះទេ ហើយគេនឹងមិនឲ្យរឿងដដែលនោះកើតមានឡើងជាថ្មីម្តងទៀតឡើយ។
អតីតខ្សែបម្រើឆ្នើមរបស់ក្លិប Juventus រូបនោះបាននិយាយថា៖ «ខ្ញុំមិនកុហកអ្នកទាំងអស់គ្នាទេ កាលពី Euro ២០១៦ កន្លងទៅយើងគិតខុសដោយថាជើងឯកគឺច្បាស់ជាបានមកលើក្រុមបារាំងហើយក្រោយឈ្នះអាល្លឺម៉ង់ ប៉ុន្តែវាបានក្លាយជាមេរៀនដ៏ជូរចត់បំផុតសម្រាប់ពួកយើង។ សម្រាប់ខ្ញុំវិញពេលនេះគឺជាពេលដែលខ្ញុំមិនមែនជាក្រុមមួយដែលមានភាគរយខ្ពស់ដើម្បីឈ្នះខ្ពស់នោះទេ តែយើងនឹងខំប្រឹងប្រែងឲ្យអស់តែម្តង។ ហើយយើងក៏មិនភ្លេចឡើយនូវចំណុចខ្វះខាតតាំងពីប្រកួតដំបូងមក យើងនឹងបន្តលេងដោយសហការគ្នាឲ្យបានល្អ ដូច្នេះខ្ញុំសន្យាថានឹងមិនធ្វើឲ្យអ្នកទាំងអស់គ្នាអស់សង្ឃឹមដោយសារពួកយើងឡើយ»។
គួរឲ្យដឹងផងដែរថា ក្រុមមាន់គកបារាំងគឺជាក្រុមមួយដែលគេគិតថានឹងអាចយកឈ្នះព័រទុយហ្គាល់កាលពីព្រឹត្តិការណ៍ Euro ឆ្នាំ ២០១៦ កន្លងទៅ ហើយក្រុមមួយនេះកាលនោះសឹងតែមិនអាចឆ្លងផុតពីវគ្គចែកពូលផង។
ដូចគ្នានេះដែរនៅ World Cup លើកនេះបារាំងនៅតែត្រូវគេគិតថាជាក្រុមមានប្រៀបលើក្រូអាត ដែលឈានដល់វគ្គផ្ដាច់ព្រ័ត្រដោយប្រើពេល ១២០ នាទីទាំង ៣ ប្រកួត៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]