អង់គ្លេស៖ ក្រុមជម្រើសជាតិអង់គ្លេសពេលនេះកំពុងរងនូវបញ្ហមួយ គឺកីឡាកររបស់គេរបួសច្រើន មុនពេលប្រកួតជាមួយក្រុមប៊ែលហ្ស៊ិកនៅថ្ងៃយប់នេះ ដើម្បីដណ្ដើមយកចំណាត់ថ្នាក់លេខ ៣ ក្នុងព្រឹត្ដិការណ៍ World Cup ២០១៨។
ក្រុមតោកំណាចអង់គ្លេស បានបាត់បង់ឱកាសឡើងទៅកាន់វគ្គផ្ដាច់ព្រ័ត្រ បន្ទាប់ពីពួកគេបានចាញ់ក្រូអាតទាំងឈឺចាប់កាលពីថ្ងៃពុធ ក្នុងម៉ោងបន្ថែម។ ចំពោះកីឡាករដែលកំពុងស្ថិតនៅក្នុងស្ថានភាពសង្ស័យថានឹងមិនអាចបង្ហាញខ្លួននៅថ្ងៃស្អែកនេះបានរួមមានដូចជា ខ្សែការពារ Kyle Walker, Kieran Trippier និងខ្សែបម្រើសំខាន់បំផុត គឺ Jordan Henderson។
ពួកគេទាំង ៣ នាក់នេះសុទ្ធតែជាកម្លាំងសំខាន់របស់ក្រុមអង់គ្លេសចាប់តាំងពីការប្រកួតក្នុងពូលមក ហើយការប្រកួតជាមួយក្រុមក្រូអាតពួកគេក៏បានបង្ហាញវត្តមានដើម្បីជួយក្រុមផងដែរ។ ប្រសិនបើជាពួកគេខកខានមែន Trent Alexander-Arnold, Fabian Delph និង Marcus Rashford អាចនឹងចូលខ្លួនមកជំនួសពួកគេមិនខាន។
គួរឲ្យដឹងផងដែរថា អង់គ្លេសនិងបែលហ្ស៊ិកគឺស្ថិតនៅក្នុងពូល G ជាមួយគ្នាហើយពូកគេក៏ធ្លាប់ជួបគ្នាម្តងរួចមកហើយ កាលពីវគ្គជម្រុះនៅក្នុងពូលដោយកាលនោះអង់គ្លេសភ្លាត់ចាញ់ប៊ែលហ្សុិកក្នុងលទ្ធផល ១-០។
សម្រាប់ការប្រកួតវគ្គពាក់កណ្តាលផ្តាច់ព្រ័ត្រនេះវិញក្រុមដែលចាញ់នឹងទទួលបានប្រាក់រង្វាន់ចំនួន ២២ លានដុល្លារ ចំណែកលេខ ៣ បានចំនួន ២៤ លានដុល្លារ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]