អុីតាលី៖ វីរបុរសក្លិបសេះបង្កង់ Juventus និងអុីតាលីលោក Alessandro Del Piero លើកឡើងថាការមកដល់របស់ខ្សែប្រយុទ្ធ Cristiano Ronaldo គឺនាំឱ្យលោកមានជំនឿថាអតីតក្លិបរបស់លោកនឹងអាចខ្លាំងឡើងមួយកម្រិតទៀត ជាពិសេសពាន Champions League ដែលក្លិបតែងតែស្រមៃចង់ឈ្នះនោះ។
អតីតខ្សែប្រយុទ្ធរបស់ក្លិប Juventus រូបនោះបាននិយាយថា៖ «ការដែលក្លិបសម្រេចចិត្តទិញ Ronaldo មកគឺជារៀងមួយដែរល្អបំផុតសម្រាប់ក្លិប Juventus ក៏ដូចជាសម្រាប់បាល់ទាត់អុីតាលីទាំងមូល។ ក្លិប Juventus និងត្រូវបានគេចាត់ទុកជាក្រុមល្អបំផុតមួយនៅក្នុងលោក ជាពិសេសបើសិនជាពួកគេអាចឈ្នះ Champions League ម្ដងទៀត បានមែននោះ ហើយវានឹងក្លាយជារឿងមួយដែលអាចទៅរួចព្រោះថា Cristiano ជាខ្សែប្រយុទ្ធដ៏អស្ចារ្យបំផុតក្នុងលោក»។
សូមបញ្ជាក់ថា វិរបុរសរបស់ក្លិប Juventus រូបនេះក៏បន្ថែមពាក្យចុងក្រោយដែរថាការមកដល់របស់ Ronaldo ជាការបង្កើនប្រជាប្រិយភាពមួួយមិនត្រឹមតែលើទីលានបាល់ទាត់របស់ក្លិបនោះទេ តែគេនឹងអាចជួយឱ្យកេរ្តិ៍ឈ្មោះរបស់ក្លិបក៏ដូចជាបាល់ទាត់អុីតាលីកាន់តែល្បីល្បាញនៅជុំវិញសកលលោកផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
