តារាខ្មែរទាំងនេះ រន្ធត់ចិត្តពេលឃើញ ជប៉ុនជួបគ្រោះ រហូតបង្ហោះសាររំលែកទុក្ខយ៉ាងក្រៀមក្រំ

ភ្នំពេញ៖ ដូចប្រិយមិត្តបានជ្រាបមកហើយថា ប៉ុន្មានថ្ងៃនេះមានសារព័ត៌មានជាច្រើន បានចុះផ្សាយពីហេតុការណ៍គ្រោះថ្នាក់ ដែលបង្កឡើងដោយទឹកជំនន់ នាំឲ្យបាត់បង់អាយុជីវិត ប្រជាពលរដ្ឋ ជនជាតិជប៉ុន ជាច្រើននាក់។

តួយ៉ាងរឿងដ៏ធំនេះ បានធ្វើឲ្យអ្នកលេងបណ្ដាញសង្គម សម្ដែងក្ដីអាណិតជាខ្លាំង នៅពេលឃើញពួកគេជួបហេតុការណ៍ គ្រោះធម្មជាតិដូច្នេះ។

ជាក់ស្ដែងសូម្បីតែ កំពូលតារាចម្រៀង និងតារាសម្ដែងល្បីឈ្មោះប្រចាំប្រទេសកម្ពុជាយើង ក៏តក់ស្លុតមិនស្ទើរ នៅពេលទទួលបានដំណឹងអាក្រក់នេះ រហូតមានតារាខ្លះទម្លាយសារបង្ហាញពីអារម្មណ៍ ដើម្បីចូលរួមរំលែកទុក្ខប្រជាជនជប៉ុនទៀតផង។

ក្នុងរួមមានអ្នកនាង សុគន្ធ និសា ដែលសរសេរយ៉ាងរៀបរាប់ពីទឹកចិត្ត ក្ដីអាណិតអាសូរដល់ប្រទេសជប៉ុន ដែលកំពុងជួបគ្រោះ។

មិនខុសពីតារាចម្រៀងខាងលើ លោក ណុប បាយ៉ារិទ្ធ ក៏សម្ដែងក្ដីសោកស្ដាយតាម រយៈសារ ដែលពោរពេញដោយអត្ថន័យផងដែរ។

លើសពីនេះ សូម្បីតែតារាពហុជំនាញអ្នកនាង ទូច ស្រីល័ក្ខ ក៏ខ្លោចចិត្តអាណិតជនជាតិជប៉ុន ដល់ថ្នាក់សំពះបន់ បួងសួងឲ្យពួកគេឆាប់ផុតគ្រោះនេះទៀតផង។

រីឯអ្នកនាង ចនច័ន្ទ លក្ខិណា ក៏មិនភេចបង្ហាញសារសោកស្ដាយមួយ អមនឹងរូបភាពដ៏កម្សត់ ដើម្បីរួមចំណែករំលែកទុក្ខដ៏ក្រៀមក្រំនេះដែរ៕

តួយ៉ាង ចំពោះកញ្ញា មាស សុខសោភា ក៏ឆ្លៀតរំលែកទុក្ខពីចំងាយ ជាមួយសារដ៏កម្សត់មួយនេះដែរ៕

• ណុប បាយ៉ារិទ្ធ
• ទូច ស្រីល័ក្ខ
• មាស សុខសោភា
• សុគន្ធ និសា
• ចនច័ន្ទ លក្ខិណា