អុីស្លង់៖ វិចិត្រករឆ្លាក់រូបសំណាកដែលមានឈ្មោះ Edgar Askelovic ជាជនជាតិអង់គ្លេសបានឆ្លាក់រូប Conor McGregor ដើម្បីធ្វើជាអំណោយសម្រាប់ថ្ងៃខួបកំណើតរបស់កីឡាកររូបនោះនាថ្ងៃទី ១៤ កក្កដាខាងមុខ។
សិល្បះករឆ្លាក់រូបសំណាកមួយនេះបានចំណាយថវិកាប្រមាណជាង ៥ ម៉ឺនផោន (ជាង ៦.៦ ម៉ឺនដុល្លារអាមេរិក) ដើម្បីឆ្លាក់រូបចម្លាក់មួយនេះឲ្យរួចរាល់ ដោយរយៈពេលក្នុងការឆ្លាក់រូបនេះ គឺមិនត្រូវបានលោក Edgar ទម្លាយឲ្យដឹងនោះឡើយ។
គួរបញ្ជាក់ថា រូបចម្លាក់របស់ Conor មានទម្ងន់ដល់ទៅជាង ១០១ គីឡូក្រាម។ ដែលមានពុកមាត់ និងពុកចង្ការផងដែរនៅក្នុងរូបសំណាកនោះ ដោយត្រូវបានគេផលិតឡើងពីសក់មែនទែនដូចទៅនឹងមុខមាត់ពិិតរបស់ Conor អញ្ចឹង។
សូមបញ្ជាក់ថា រូបសំណាកមួយនេះនឹងត្រូវបានសម្ពោធឡើងដោយមានវត្តមានរបស់McGregor ផ្ទាល់តែម្តងនៅក្នុងសារមន្ទីរ JD Malat នៅទីក្រុងឡុងដុង នៅថ្ងៃទី ១៤ កក្កដា ខាងមុខ ដែលជាថ្ងៃខួបកំណើតក្នុងអាយុ ៣០ របស់គេ ខណៈរូបចម្លាក់នឹងត្រូវបានដាក់តាំងនៅទីនោះ រហូតដល់ថ្ងៃទី ៣០ កញ្ញា ២០១៨។
លោក Askelovic ក៏បាននិយាយថា គេមានកិត្តិយសណាស់ ដែលកីឡាករ McGregor ទទួលយកអំណោយជារូបចម្លាក់មួយនោះ។ ទោះជាយ៉ាងណា វិចិត្រករជំនាញរូបនោះ មិនបានបង្ហាញពីមូលហេតុអ្វីឲ្យពិតប្រាកដ ដែលនាំឲ្យលោកធ្វើបែបនេះនោះទេ ប៉ុន្តែលោកបាននិយាយថា លោកចង់បង្កើតស្នាដៃមួយដែលរួមបញ្ចូលបច្ចេកទេសសិល្បៈជាច្រើនផ្នែក៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]