ថៃ៖ នេះជាថ្ងៃទី៣ ដែលក្រុមអ្នកជំនាញ ចុះបំពេញបេកសកម្មនាំយកក្មេងៗ៤នាក់ទៀតនៅថ្ងៃនេះ បន្ទាប់ពីម្សិលមិញ ពួកគេបានសង្គ្រោះក្មេងចំនួន៤នាក់បន្ថែម សរុបគឺ៨នាក់ នៅសល់៥នាក់ទៀតដែលនៅខាងក្នុងរូងភ្នំ។
ការសង្គ្រោះលើកទី៣នេះ គឺអាចនាំចេញត្រឹមតែក្មេងៗ៤នាក់ប៉ុណ្ណោះ ព្រោះតែក្រុមការងារមិនមានលទ្ធភាពគ្រប់គ្រាន់ អាចនាំយកមនុស្សម្ដងទាំង៥នាក់ចេញពីរូងភ្នំ ក្នុងពេលតែមួយឡើយ។ ហើយដើម្បីជាសុវត្ថិភាព អ្នកទាំងអស់គ្នា គឺមានតែទុកគ្រូបង្វឹកពួកគេឲ្យនៅម្នាក់ឯងក្នុងរូងភ្នំសិន នឹងរង់ចាំនៅថ្ងៃបន្ទាប់ នេះបើតាមការបញ្ជាក់របស់លោក Narongsak Osottanakorn ដែលជាប្រធានក្រុមអ្នកជួយសង្គ្រោះ។
អ្វីដែលគួរឲ្យកោតសរសើរលោក Ekaphol Chantawong ដែលជាគ្រូបង្វឹករបស់ក្មេងៗ ក៏បានយល់ច្បាស់ពីការងាររបស់ក្រុមអ្នកសង្គ្រោះដែរ ថែមទាំងបានយល់ព្រម នៅក្នុងរូងនោះសិន ដើម្បីឱ្យកូនសិស្សទាំងអស់បានចេញមកមុន។
គួរបញ្ជាក់ដែរថា ក្មេងៗទាំងអស់ដែលយកចេញមកបាន គឺត្រូវបញ្ជូនទៅកាន់មន្ទីរពេទ្យភ្លាមៗតែម្ដង នឹងមិនឱ្យជួបសូម្បីគ្រួសារ ការធ្វើដូច្នេះ គឺដោយសារតែពួកគេនៅមានសុខភាពខ្សោយ ណាមួយការពារកុំឱ្យមានបញ្ហាផ្សេងៗកើតឡើងដោយជាយថាហេតុ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]