តាមពិត នៅ សូនីតា ច្រៀងពីរោះមិនធម្មតា គ្រាន់តែនាង មិនសូវបានបង្ហាញពីសមត្ថភាព (មានវីដេអូ)

ភ្នំពេញ៖ តារាសម្តែង រូបសម្រស់ស្រស់ស្អាតកញ្ញានៅ សូនីតា កាន់តែមានហាងឆេងខ្ពស់ និងលេចធ្លោនៅក្នុងវិស័យសិល្បៈ ដោយសារតែសមត្ថភាព ទេសកោសល្យ បូករួមនឹងរូបសម្រស់ដ៏ស្រស់ស្អាតរបស់តារារូបនេះ។

យ៉ាងណាមិញនាពេលថ្មីៗនេះ តារាសម្តែងនៅក្នុងបទថ្មីរបស់លោកខេមរៈ សិរីមន្ត «គ្មានអ្នកណាល្អជាងប្រពន្ធខ្ញុំ» កាន់តែមានប្រជាប្រិយភាព និងមមាញឹកខ្លាំង ក្រោយបានសម្តែងរួមគ្នាជាមួយនឹងតារាប្រុសសង្ហាប្រចាំផលិតកម្មហង្សមាស។

មិនត្រឹមតែមានការសម្តែងយ៉ាងល្អ តែតារារូបនេះបានធ្វើឲ្យអ្នកគាំទ្រជាច្រើនភ្ញាក់ព្រឺត ដោយសារតែនាងបានបញ្ចេញសំនៀង ច្រៀងជាលើកដំបូងនៅក្នុងបទបុរាណ ស្រែកច្រៀងយ៉ាងពីរោះខ្លាំង មិនចាញ់អ្នកចម្រៀងអាជីពប៉ុន្មាននោះទេ។

លើសពីនេះ ក្រោយពីបានស្តាប់សម្លេងរបស់តារារូបនេះ អ្នកគាំទ្រជាច្រើនសរសើរនាងថាច្រៀងពីរោះ សម្លេងស្រួយគ្រប់គ្នាតែម្តង ហើយនេះក៏ជាលើកដំបូងហើយដែលតារារូបនេះ បង្ហាញសមត្ថភាពសម្លេងរបស់ខ្លួនបែបនេះ៕

ចង់ដឹងថាពិរោះយ៉ាងណានោះ សូមទស្សនា វីដេអូខាងក្រោមនេះ៖ 

• នៅ សូនីតា
• វីដេអូ
• តារាខ្មែរ