មិនទាន់ជាប់ឈ្មោះជាក្មួយថ្លៃព្រាប សុវត្ថិ ពេញលេញ តែសាត រស្មី ទទួលបានភាពកក់ក្តៅ ពីគ្រួសារលោកទៅហើយ

ភ្នំពេញ៖ ក្រោយពីដឹងការពិតថា អតីតតារាសម្តែងដ៏មានប្រជាប្រិយភាពកញ្ញាសាត រស្មី ជាគូស្នេហ៍ជាមួយក្មួយប្រុស របស់កំពូលតារាចម្រៀងលោកព្រាប សុវត្ថិ ឃើញថាធ្វើឲ្យបណ្តាអ្នកគាំទ្រនាំគ្នា មានការភ្ញាក់ផ្អើលយ៉ាងខ្លាំង ខណៈពេលដែលពួកគេទាំងពីរមានទំនាក់ទំនងនឹងគ្នាជាច្រើនឆ្នាំមកហើយ។

យ៉ាងណាមិញ ទំនាក់ទំនងរបស់តារាស្រីរូបនេះ និងក្មួយប្រុសតារាចម្រៀងប្រចាំផលិតកម្មហង្សមាស លោកឆៃ ដាពិសិដ្ឋ អាចនឹងឈានដល់ថ្ងៃចូលរោងការនៅក្នុងពេលឆាប់ៗនេះ។

ទន្ទឹមនឹងនេះ ទោះបីជាតារាស្រីរូបនេះ មិនទាន់ក្លាយឈ្មោះជាក្មួយថ្លៃពេញលេញ យ៉ាងណាក្តី ក៏មើលទៅនាងទទួលបានភាពកក់ក្តៅពីគ្រប់គ្នា នៅក្នុងគ្រួសារលោកព្រាប សុវត្ថិ ជាពិសេសគឺទទួលបានការស្រលាញ់ និងយកចិត្តទុកដាក់ពីគូដណ្តឹងតែម្តង។

មិនត្រឹមតែប៉ុណ្ណោះ កាលពីម្សិលមិញនេះ ជាថ្ងៃកំណើតរបស់នាង មិត្តក៏ដូចជាគូដណ្តឹង បានធ្វើពិធីខួបកំណើតជាមួយនឹងនំខេកមួយ មើលទៅយ៉ាងមានសុភមង្គល ជាពិសេសនោះ ទទួលបានការជូនពរពីបណ្តាគ្រួសាររបស់នាងផងដែរ៕

សូមទស្សនារូបភាពខាងក្រោមនេះ៖ 

• សាត រស្មី
• ឆៃ ដាពិសិដ្ឋ
• តារាខ្មែរ