Vj Ja ស្រក់ទឹកភ្នែកភ្លាមៗ ពេលឃើញ មិត្តភក្តិធ្វើបែបនេះ ក្រោយរងពាក្យចចាមអារ៉ាម ថានាងយកប្តីគេ

ថៃ: កាលពីពេលប៉ុន្មានសប្តាហ៍មុននេះ តារាសម្តែងស្រី Vj Ja ត្រូវបានបែកធ្លាយព័ត៌មានដ៏ក្តៅមួយ ដែលបាននិយាយថា នាងជាជនទី៣ ធ្វើឲ្យប្រពន្ធដើម ដេកយំស្ទើររាល់យប់។ ហើយ ក្រោយតែពីមានការបែកធ្លាយរឿងរ៉ាវនៃព័ត៌មានមិនល្អបែបនេះ នាងក៏លែងបង្ហាញពីសកម្មភាពអ្វីច្រើន ដូចកាលពីពេលមុន នៅលើបណ្តាញសង្គមនានា មិនថាទាំងកម្មវិធីតូច ឬធំអ្វី នោះទេ។ 

ក៏ប៉ុន្តែជារឿងគួរឲ្យភ្ញាក់ផ្អើលជាខ្លាំង ដោយកាលពីពេលម្សិលមិញនេះ នាងត្រូវបានមិត្តភក្តិជាច្រើន ព្រមទាំងបណ្តាកូនសិស្សមួយចំនួនតូច​ នៅឯសាកលវិទ្យាល័យ បានរៀបចំធ្វើពិធីជប់លៀងឲ្យនាង ក្នុងគោលបំណងបង្កើតបរិយាកាសល្អៗ សម្រាប់ធ្វើឲ្យនាងសប្បាយចិត្តឡើងវិញ។ 

តែយ៉ាងណាមិញ នាពេលភ្លាមៗនោះ​ដែរ​ នាងក៏បានស្រក់ទឹកភ្នែក អំឡុងពេលដែលប្រទះឃើញក្រដាស សរសេរពាក្យមួយឃ្លាមកកាន់នាងថា«តស៊ូឡើង Vj Ja នៅមានពួកយើងចាំផ្តល់ជាកម្លាំងចិត្តដល់អ្នក គ្រប់ពេល»។ 

ហើយទាំងអស់នេះ​ ពិតជាបានធ្វើឲ្យនាង មានភាពកក់ក្តៅ និងភាពសប្បាយរីករាយត្រលប់មកវិញ ក្រោយពេលដែលដឹងថា នៅមានមនុស្សជាច្រើននាក់ទៀត នៅតែចាំការពារ ព្រមទាំងលើកទឹកចិត្តនាងបែបនេះ៕

• ជំរុញទឹកចិត្ត
• តារាថៃ