ភ្នំពេញ៖ក្រោយពីដឹងដំណឹងថាតារាចម្រៀងដ៏មានប្រជាប្រិយភាពក្នុងអំឡុងឆ្នាំ២០០០ លោកចាន់ សម័យ ម្ចាស់បទ«សុំមេមាន់មួយ» បានធ្លាក់ខ្លួនក្រ ធ្វើឲ្យបណ្តាអ្នកគាំទ្រជាច្រើនសឹងតែមិនចង់ជឿទេ ថានេះជារឿងពិត។
តែពេលនេះរឿងពិតត្រូវបានទម្លាយ និងបានស្រាយចម្ងល់ចំពោះអ្នកគាំទ្រទាំងអស់ដែលគិតថានេះជារឿងមិនពិត។ នៅក្នុងនោះដែរ តារាចម្រៀងលោកមាស សាលី បានទៅសួរសុខទុក្ខ តារារូបនេះផ្ទាល់ ដោយឃើញថាលោកពិតជាលំបាកដូចដែលគេនិយាយពិតប្រាកដមែន។
មិនត្រឹមតែប៉ុណ្ណោះ លោកក៏បាននិយាយពីដំណើរដើមទង ដែលលោកបានធ្លាក់ខ្លួនលំបាកមកដល់ពេលនេះ ដោយមុនដំបូងនោះ លោកក៏មានជំនួញមួយដែរ ក៏ប៉ុន្តែវាមិនដំណើរការទៅមុខនោះទេ ពោលគឺបរាជ័យ បន្ទាប់មកទៀតលោកក៏បានទៅច្រៀងនៅក្រៅប្រទេស តែសំណាងអាក្រក់ ក៏ត្រូវចោរលួចកាបូបរបស់លោកអស់គ្មានសល់អ្វីឡើយ។ លើសពីនេះ លោកក៏មានជំងឺឈឺជើងអស់រយៈពេលជាច្រើនឆ្នាំមកហើយ ក៏ប៉ុន្តែតារារូបនេះបានលាក់បាំងគ្រប់យ៉ាងពីទុក្ខលំបាករបស់ខ្លួន មិនប្រាប់ដល់អ្នកណា សូម្បីតែមិត្តរួមសិល្បៈ ។
តួយ៉ាង ក្រោយពីបានទម្លាយរឿងពិតរបស់ខ្លួនរួចមកបានធ្វើឲ្យអ្នកគាំទ្រជាច្រើន ពិតជាសោកស្តាយ និងអាណិតជាខ្លាំង ដោយលោកបានជួបរឿងផ្ទួនៗរហូតធ្លាក់ខ្លួនបែបនេះ សូម្បីតែរូបរាងលោកក៏ប្រែអស់។
គួរបញ្ជាក់ផងដែរ ថាបច្ចុប្បន្នតារារូបនេះមានកូន៥នាក់រួចមកហើយ ដោយកូនរបស់លោកគឺមានភ្លោះ២គូ និងកូនម្នាក់ទៀត ស្របពេលដែលជីវភាពរបស់លោកកំពុងតែលំបាក៕
ចង់ជ្រាបកាន់តែច្បាស់សូមទស្សនាវីដេអូខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]