ភ្នំពេញ៖ មួយរយៈចុងក្រោយនេះ គេសង្កេតឃើញថាលោក ប៊ុត សីហា ហាក់ដូចជាចង់ស្ដារប្រជាប្រិយភាពក្នុងវិស័យសិល្បៈ ឡើងវិញ ដោយប្រឹងប្រែង ផលិតបទថ្មីៗជាបន្តបន្ទាប់។
ជាក់ស្ដែងមុននេះបន្តិច អតីតម្ចាស់ពាន «The Voice Cambodia» រដូវកាលទី១ រូបនេះក៏បានទម្លាយសារមួយ ដោយបង្ហើបថាខ្លួនកំពុងត្រៀមចេញបទថ្មី ដែលមានអត្ថន័យរៀបរាប់ពីរឿងស្នេហាពិតៗ។
ក្នុងនោះលោកបានសរសេរថា៖ «ខ្ញុំមានបទថ្មីមួយមានចំនងជើងថា (យើងអស់ផ្លូវជាស្នេហាហើយ) បទនេះជាសាច់រឿងពិតរបស់បង សុខលីមរក្សា ជារឿងពិត ដែលឈឺចាប់ ពេលដែលស្នេហាមួយរបស់បង បានសុំគាត់ធ្វើជាបងប្អូនវិញឈប់ជាស្នេហា។ ស្នេហាពិតជាមួយនិងបុគ្គលិក បាហុនិកា ដែលនៅតែលើយន្តហោះរហូត។ ពិតជាឈឺចាប់ ពេលលឺថាយើងធ្វើបងប្អូនគ្នាទៅយើងអស់ផ្លូវស្នេហាហើយ។ ចប់ម៉ង » ។
យ៉ាងណាមិញ ទោះបីបទថ្មីលោក មិនទាន់បានលេចជារូបរាងក៏ពិតមែន ប៉ុន្តែគ្រប់គ្នាសង្ឃឹមថា ប្រិយមិត្តអ្នកស្នេហាសិល្បៈ នៅតែបន្តគាំទ្រ តារាចម្រៀងរូបនេះ ព្រោះកន្លងមកលោក ក៏ធ្លាប់បម្រើអារម្មណ៍ទស្សនិកជន តាមរយៈបទចម្រៀងពីរោះជាច្រើនហើយដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
