ហាងគ្រីសស្ពី គ្រីម ទូទាំងពិភពលោក ធ្វើនំដូហ្វណាត់សូកូឡាយ៉ាងពិសេស ក្នុងទិវាសូកូឡាពិភពលោក!

ភ្នំពេញ៖  ហាងនំដូហ្វណាត់ និងកាហ្វេ គ្រីសស្ពី គ្រីម (Krispy Kreme) ទូទាំងពិភពលោក នឹងប្រារពកម្មវិធីមួយដ៏អស្ចារ្យដែលហៅថា «ទិវាសូកូឡាពិភពលោក» World Chocolate Day។

ទិវានេះ នឹងប្រារព្ធលើទ្វីបទាំង ៦ លើពិភពលោក នាំមកនូវនំដូហ្វណាត់សូកូឡាថ្មី ដែលមានរសជាតិដ៏អស្ចារ្យមិនធ្លាប់មានពីមុនមក សម្រាប់តែការលក់មួយថ្ងៃប៉ុណ្ណោះ ក្នុងថ្ងៃដូចគ្នាគឺថ្ងៃទី ០៧ ខែកក្កដា ឆ្នាំ២០១៨។

ការបង្កើតឡើងនូវគំនិតដ៏មហិមានៃការផ្សំរវាងនំដូហ្វណាត់រសជាតិដើម និងស្ករសូកូឡា បានបង្កើតជាបទពិសោធន៍ដ៏ថ្មីស្រឡាងមួយទៀត សម្រាប់អតិថិជនដែលចូលចិត្តនំដូហ្វណាត់ និងស្ករសូកូឡា។ 

អតិថិជននៅប្រទេសកម្ពុជា ក៏ដូចជាអតិថិជនស្ថិតនៅលើផែនដីទាំងមូល អាចរាប់ថយក្រោយនូវ «ទិវាសូកូឡាពិភពលោក» ដែលនឹងមកដល់នៅថ្ងៃទី ០៧ ខែកក្កដា ឆ្នាំ២០១៨ ក្នុងចុងសប្ដាហ៍នេះ។

លោក ងន សាំង នាយកប្រតិបត្តិនៃក្រុមហ៊ុន អ អិម អេ ខេមបូឌា គ្រុប (RMA Cambodia Group) បានបញ្ចាក់យ៉ាងដូច្នេះថា៖

«នេះជាលើកទីមួយហើយសម្រាប់ប្រជាជនកម្ពុជា និងអតិថិជនកម្ពុជាមានឱកាសចូលរួមជាមួយនឹងប្រជាជនស្ថិតនៅតាមបណ្ដាប្រទេសផ្សេងៗលើពិភពលោកទូទាំង ២៩ ប្រទេស ដើម្បីភ្លក់រសជាតិថ្មីស្រឡាងនៃនំដូហ្វណាត់ដ៏ស្រទន់ និងបានឃើញការហូរស្រក់របស់សូកូឡាទៅលើនំដូហ្វណាត់តាមរយៈហាងនំដូហ្វណាត់ និងកាហ្វេគ្រីសស្ពី គ្រីម នៅក្នុងព្រះរាជាណាចក្រកម្ពុជាដែលមកដល់ថ្ងៃទី ៧ កក្កដា នេះ»។

តាមរយៈ «ទិវាសូកូឡាពិភពលោក» នេះផងដែរ គ្រីសស្ពី គ្រីម នឹងចែករំលែកនូវវីដេអូ និងរូបភាពអំពីការប្រារព្ធទិវានេះនៅតាមបណ្ដាប្រទេសទាំងអស់លើសកលលោក លើ Twister Channel របស់គ្រីសស្ពី គ្រីម (@krispykreme) ហើយសូមកុំភ្លេចចែករំលែកនូវភាពសប្បាយរីករាយរបស់អ្នកតាមរយៈប្រើប្រាស់ hashtag #WorldChocolateDay និង tagging @krispykreme នៅតាមប្រព័ន្ធផ្សព្វផ្សាយសង្គម ហ្វេសប៊ុក៕ 

• អាហារ