អេស្ប៉ាញ៖ ក្រុម Real Madrid បានប្រកាសជាផ្លូវការថា ក្លិបបានសម្រេចចិត្តនាំកីឡាករ Alvaro Odriozola មកកាន់ទឹកដី Santiago Bernabeu ជាផ្លូវការ។
បើយោងតាមគេហទំព័រផ្លូវការរបស់ក្លិប Real Madrid បានឲ្យដឹងថា ក្រុម Real Sociedad បានយល់ព្រមលក់ខ្សែការពារវ័យ២២ឆ្នាំរូបនោះមកកាន់ក្រុមម្ចាស់ជើងឯកពានរង្វាន់ Champions League ឆ្នាំ២០១៨ ក្នុងតម្លៃជាង៤៧លានដុល្លាអាមេរិក។
កីឡាករសញ្ជាតិអេស្ប៉ាញរូបនោះ នឹងទទួលបានកុងត្រាដែលមានរយៈពេល៦ឆ្នាំ ពោលគឺកុងត្រានោះនឹងផុតកំណត់នៅឆ្នាំ២០២៤ ឯណោះ ហើយរូបគេនឹងក្លាយទៅជាកីឡាករ Real Madrid ជាផ្លូវការនៅរយៈពេលប៉ុន្មានថ្ងៃខាងមុខនេះ។
គួរបញ្ជាក់ថា តាំងពីចូលមកកាន់ដំណែងជាគ្រូបង្វឹកក្រុម Real Madrid លោក Julen Lopetegui បានផ្តោតសំខាន់ទៅលើកីឡាករវ័យក្មេង ដោយលោកបាននាំអ្នកចាំទីសញ្ជាតិអ៊ុយក្រែនដែលមានវ័យ១៩ មកកាន់ទឹកដី Santiago Bernabeu កាលពីចុងខែមិថុនា រួចទៅហើយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]