ស្របពេលជោគជ័យក្នុងវិស័យសិល្បៈ ខេម បាននឹករលឹកដល់មនុស្សសំខាន់ម្នាក់

ភ្នំពេញ ៖ តារាចម្រៀងសម្លេងស្អក ប្រចាំផលិតកម្មថោន លោក ខេម ទំរាំតែទទួលបានជោគជ័យដូចសព្វថ្ងៃនេះ តារាប្រុសរូបនេះ បានខិតខំតស៊ូខ្លាំងណាស់ នៅក្នុងវិស័យសិល្បៈចម្រៀងមួយនេះ។

ជាក់ស្ដែង ខណៈពេលសន្ទុះនៃ ការគាំទ្រកាន់តែខ្លាំងឡើង ពីមួយថ្ងៃទៅមួយថ្ងៃ ស្រាប់តែថ្មីៗនេះ តារាចម្រៀងប្រុស ដែលត្រូវប៉ាន់ខាងបទបែបមនោសញ្ចេតនា លោក ខេម បានបង្ហោះសារដ៏ក្ដុកក្ដួលមួយ ដោយបានបង្ហាញពីការនឹករលឹកដល់ឱពុកខ្លួន ដែលបានចាកឆ្ងាយរូបលោកគ្មានថ្ងៃត្រលប់។

ដោយក្នុងនោះដែរ លោកក៏បានរៀបរាប់ថា «បើពុកឃើញកូនពេលនេះ រឺក៏ពុករស់ដល់សព្វថ្ងៃកូនជឿថាពុកពិតជាសប្បាយចិត្តមិនខានទេ ខ្ញុំមិនដែលឃើញពុកខ្ញុំពេលគាត់នៅមានជីវិតគាត់រស់ក្នុងភាពសុខស្រួលមួយដងណាទេ ជីវិតពុកខ្ញុំគាត់លំបាកណាស់ តែពុកពិតជាអស្ចារ្យណាស់សំរាប់ខ្ញុំ នឹកពុកណាស់»។

ជាមួយគ្នានោះដែរ ក៏មានមហាជន និងបណ្ដាអ្នកគាំទ្រ នៅលើបណ្ដាញសង្គមរបស់លោកជាច្រើន បានសរសេរសារជួយលើកទឹកចិត្ត និងផ្ដល់កម្លាំងចិត្តដល់រូបលោក ផងដែរ៕ 

• ខេម
• តារាខ្មែរ